Kolohe 3:22 - Tokelauan New Testament

²² Koutou nā pologa, uhitaki ki outou matai fakatetino i nā mea uma lele, nahe koutou uhitaki oioti ona e kikila atu kae ke taku leleia ai koutou; kae fai ma te koutou loto fakamāoni, ona ko koutou e mātataku i te Aliki.

Kolohe 3:22 ပူးပေါင်းရင်းမြစ်များ

Mataio 6:22

“Ko nā mata o koe e vē ko he mōlī mo tō tino. Kāfai ō mata e lelei, ko tō tino kātoa ka tumu i te mālamalama;

Mataio 8:9

Auā ko au foki ko he tino e i lalo o te pule a nā takitakikau e maualuluga atu ia te au, ma e i ei foki nā fitafita e i lalo o taku pule. Ma kāfai au e lea ki te tino tē, ‘Fano vē’ oi e fano; kāfai au e lea ki tētahi tino, ‘Hau’ oi e hau foki; ma kāfai au e lea ki taku kaukauna, ‘Fai te mea tē!’ oi e vēnā lava oi fai e ia.”

Luka 6:46

“He ā te lea mai ai koutou ki a te au, ‘Te Aliki, Te Aliki,’ kae e hē koutou faia nā mea e lea atu ai au?

Luka 7:8

Auā ko au foki ko he tino kua tuku ki lalo o te pule a nā takitakikau e maualuluga atu ia te au, ma e i ei foki nā fitafita ei lalo o taku pule. Ma kāfai au e lea ki te tino te, ‘Fano vē!’ oi e fano; kāfai au e lea ki tētahi tino, ‘Hau!’ oi e hau foki; ma kāfai au e lea ki taku kaukauna, ‘Fai te mea te!’ oi e vēnā lava oi fai e ia.”

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Kolohe 3:20

Koutou tamaiti, ko he tiute faka-Kelihiano e o koutou ke uhiuhitaki ki outou mātua i taimi uma, auā ko te mea tonu ia e fiafia ki ei te Atua.

1 Tehalonia 2:4

Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto.

Filemoni 1:16

I te taimi nei la, ko Onehimahi e hē nā ko he pologa, kae e hili atu lele ia i lo he pologa: ko ia ko he uho pele ia Keliho. Kai au te alofa ko ki ei! Kae e vēhea ake nei la te lahi lele atu o tō alofa ki ei, e hē gata ona ko he pologa kae i tētahi itū, ko he uho foki e ala i te Aliki!