Kolohe 3:16 - Tokelauan New Testament

¹⁶ Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Kolohe 3:16 ပူးပေါင်းရင်းမြစ်များ

Mataio 26:30

Kua uma te uhu o te lātou pehe e viviki ake ai ki te Atua, oi olo ai ki te Mauga o Ōlive.

Luka 2:51

Oi olo fakatahi ai ia Iehu ma ona mātua ki Nahaleta, ma nae uhitaki lele ki a te ki lāua. Na teu i te loto o tona mātua nā mea uma iēnei.

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

Loma 10:17

Ko te mea ia, ko te fakatuatua e hau mai te fakalogo ki te fekau, ma ko te fekau e hau mai te tālakiga e uiga ki a Keliho.

Loma 15:14

Oku uho, e mautinoa e au ko koutou e tumu i te lelei, kua ia te koutou te mālamalama, ma kua koutou mafaia oi akoako tētahi ki tētahi.

1 Kolinito 14:15

He ā la te tatau ke kō faia? Ka tatalo au i toku agaga ma tatalo foki au i toku māfaufau; ka pehe au i toku agaga, ma ka pehe foki au i toku māfaufau.

1 Kolinito 14:26

Ko tēnei te uiga o taku lea atu, te kau uho. Kāfai koutou e māfuta mo autou tāpuakiga, e pehe tētahi, e akoako tētahi, e fakamatala e tētahi he fakaaliga mai te Atua, e folafola e tētahi he fekau i nā gagana kehekehe, ma tētahi la e fakamatala e ia te uiga o nā kupu e tautatala ai. Ko nā mea uma e tatau ke fai mo te atiakega o te Ekalehia.

Efeho 1:17

ma ko au e fakatoga ki te Atua o to tātou Aliki ko Iehu Keliho, te Tamana e uiga kehe tona mamalu, ke fōki atu ki a te koutou te Agaga, tē ka maua ai e koutou te mālamalama, ma fakailoa atua ki a te koutou te Atua, kae ke koutou iloa ai ia.

Efeho 5:17

Koutou la nahe vālelea, kae taumafai oi hakilikili pe he ā te fofou te Aliki ke fai e koutou.

Efeho 5:19

Tautala tētahi ki tētahi i nā kupu o te Halamo, i nā pehe lotu ma i nā pehe fakateagaga; pepehe atu i nā vīkiga ki te Aliki ma outou loto kātoatoa.

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

Kolohe 1:28

Oi e folafola la e ki mātou te fekau e uiga ki a Keliho, ki tagata uma. E lapataki ma akoako e ki mātou e ala i te poto kua ki mātou mauagia, kae ke mafai ai ke kaumai ki lātou tau tokatahi ki mua o te Atua, kua āmio fakatagata matua i te māfutaga ma Keliho.

Kolohe 1:9

Mai te aho lava la na ki mātou iloa ai, e hēki uma lele to mātou tatalo mo koutou. Ko ki mātou e tatalo ki te Atua ke fakatumulia koutou i te mālamalama e uiga ki tona finagalo, vēnā ma te poto uma ma te iloa e maua mai i tona Agaga.

Kolohe 4:6

Ko autou kupu e tatau ke lelei ma mālie i te fakalogo, ma e tatau ke mafai e koutou oi kavatu ni tali e hako ki ni fehili e fai atu e ho he tino.

1 Tehalonia 1:8

Auā, e hē gata kua halalau te fekau e uiga ki te Aliki mai ia te koutou ke pa ki Maketonia ma Akaia kātoa, kae kua vēnā foki oi halalau te tala ki te lalolagi kātoa, e uiga ki te koutou fakatuatua ki te Atua. E hēai lele la he mea e tatau ke toe lea atu ai ki mātou ki a te koutou.

1 Tehalonia 4:18

Ko te mea la ia e tatau ai koutou ke fakamākeke tētahi ki tētahi, i nā kupu iēnei.

2 Tehalonia 3:15

Kae nahe koutou kikila ki ei e vē ki lātou ni fili ki a te koutou; kae fakatonu ki a te ki lātou e vē ni uho a Kelihiano.

1 Timoteo 6:17

Kae e vē la ki nā tino e mau koloa i nā mea o te ōlaga tēnei, fakatonu ki ei ke nahe ki lātou fia hihili, kae ke tuku to lātou fakamoemoe, e hē ki nā mea e hē mautinoa e vē ko nā koloa, kae ki te Atua tē e kaumaia nā mea e lahi ke fiafia ai ki tātou.

2 Timoteo 3:15

ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu.

Tito 3:6

Kua fōki fua mai e te Atua te Agaga Paia ki a ki tātou e ala ia Iehu Keliho to tātou Fakaola,

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

Iakopo 5:13

E i ei ni tino o koutou e maua i ni mafatiaga? E tatau koutou ke tatalo ki te Atua. E i ei ni tino o koutou e fiafia? E tatau koutou ke pepehe i nā viviki ki te Atua.

1 Ioane 2:14

Ko au e tuhi atu ki a te koutou taku fānau, auā e iloa e koutou te Tamana. Ko au e tuhi atu ki a te koutou nā tamana, auā e iloa e koutou tē nae i ei mai lava i te kāmataga. Ko au e tuhi atu ki a te koutou te tupulaga, auā ko koutou e mākekeke; ko te kupu a te Atua e ola i loto ia te koutou, ma kua fakatōkilalo e koutou te Tino Kino.

1 Ioane 2:24

Ke mautinoa la e teu pea i outou loto te fekau na fakalogo koutou ki ei mai te kāmataga. Kāfai koutou e tauhi ki te fekau tēnā, ko koutou foki la ka ola pea lava i te hokotaga ma te Ataliki ma te Tamana.

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

2 Ioane 1:2

auā ko te meamoni tēnei e tūmau i loto ia te ki mātou ma ka i ei pea ia te ki mātou ke pa ki te hēgata.

Fakaaliga 14:3

Ko nā tino e toka 144,000 e tutū i mua o te nofoāliki ma nā meaola e fa ma nā toeaina, ma pepehe i he pehe fou e nā ko ki lātou lava oioti te iloa. Mai tagata uma o te lalolagi kātoa, nā ko ki lātou lava oioti nā tino na fakahao e te Atua.

Fakaaliga 15:3

ma pepehe i te pehe a Mohe, te kaukauna a te Atua, ma te pehe a te Punuamāmoe: “Te Aliki te Atua Hilihilikehe te Mālohi, kai te uiga kehe ma te gali o au gāluega! Te Tupu o mālō, kai te hako ma te tonu o nā mea e kē faia!

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.