Kolohe 2:20 - Tokelauan New Testament

²⁰ Ko koutou na oti fakatahi ma Keliho, ma kua fakahaoloto mai koutou mai nā agaga e pule i te vāteatea. He ā la te koi ola ai lava koutou e vē ni tino e o te lalolagi tēnei? He ā te koi mulimuli ai lava koutou ki nā tūlāfono e vē ko te,

Kolohe 2:20 ပူးပေါင်းရင်းမြစ်များ

Ioane 15:19

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

2 Kolinito 10:3

E hako ko ki mātou ni tino e ola i te lalolagi, kae ko ki mātou e hē tau ona ni lagona fakatelalolagi.

Kalatia 4:3

Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

Efeho 2:15

Na fakahēai e ia te Tūlāfono Iutaia vēnā ma ona fakatonuga ma poloakiga, kae ke mafai ai ke tuku fakatahi ia tagata Iutaia ma tagata nukukehe ke vē he tino e tahi i te māfutaga ma ia, ma maua ai te fīlēmū.

Kolohe 2:14

kua fakahēai e ia a tātou kaitālafu e vē oi fakamaumaugia fakatahi ai ma ona tūlāfono nae fakamamalu ai. Kua fakatino te mea tēnei e ala i te tutuki o Keliho ki luga o te hātaulo.

Kolohe 2:16

Nahe fakataga la e koutou he tino ke ia faia te tonu e uiga ki nā mea e tatau ke kakai ma inu koutou ki ei, pe e uiga ki nā aho paia, pe ki te fakamanatuga o te Māhina Tū Mai, pe ki te Hāpati.

Kolohe 2:21

“Nahe paki te lima ki te mea tēnei,” “nahe kai ki te mea tēia.” “Nahe tago ki te mea tēnā”?

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

Kolohe 3:3

Auā ko koutou kua oti, ma ko te ola fou o koutou ko hēki fakaaliagia e vē foki lava ko Keliho, i te hokotaga ma te Atua.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Ioane 5:19

E iloa e ki tātou ko ki tātou e o te Atua e ui lava ko te lalolagi kātoa e i lalo o te pule a te Tino Kino.