Kolohe 2:2 - Tokelauan New Testament

² E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

Kolohe 2:2 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Luka 1:1

Ki a Teofilo: E vē ona iloa e koe, e tokalahi nā tino kua taumafai ke ki lātou fakamaumaua ki lalo nā mea kua uma te fakataunukugia.

Ioane 10:30

Ko te Tamana ma au, e tahi ki māua.”

Ioane 10:38

Kae kāfai e fai e au nā mea iēnei, e ui lava ko koutou e hē talitonu mai ki a te au, kae e tatau lava ke talitonu koutou ki nā gāluega na fai e au, kae ke koutou iloa ai ma te mautinoa, ko te Tamana e ia te au, ma ko au e i te Tamana.”

Ioane 16:15

Ko nā mea uma lele a toku Tamana e āku; ko te mea ia na lea atu ai au, ka talia e te Agaga nā mea e lea ai au, ma e folafola atu e ia ki a te koutou.”

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 5:17

Kae kua tali atu ia Iehu ki a te ki lātou, “Ko toku Tamana e galue pea lava, ma ko au foki la e tatau lava ke galue.”

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 6:69

Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

Gāluega 4:32

Kua gātahitahi ia loto ma māfaufau o te vāega kua talitonu ki a Iehu. E hēai lele he tino o ki lātou na lea ko ana meatōtino e a ia lava, kae na ki lātou fakaaogā fakatahi nā mea uma lele a ki lātou tau tokatahi.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

Loma 2:4

Pe ko koe e manatu māmā ki te lahi o te agalelei, te fakapalepale ma te onohai o te Atua? E hē kē iloa ko te Atua e agalelei, ona e fofou ke takitaki koe ki te halamō?

1 Kolinito 14:31

E mafai e koutou uma oi folafola te fekau a te Atua fakaholo tau tokatahi, kae ke iloa uma ai e koutou ma fakamākekeke ai.

1 Kolinito 2:12

E hē ko te agaga o te lalolagi te kua ki mātou maua; kae ko te Agaga na uga mai e te Atua, kae ke mālamalama ai ki mātou i nā mea uma kua fōki mai e te Atua mo ki tātou.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Efeho 3:16

Ko au e tatalo ki te Atua ke fōki atu ki a te koutou mai te lahi o tona alofa tūnoa, te mālohi e ala i tona Agaga, ke mākekeke ai outou loto;

Efeho 3:3

Na fakailoa mai e te Atua ki a te au tana fuafuaga lilo i he fakaaliga, e vē lava oi tākua i taku tuhi.

Efeho 6:22

Ko te mea ia kua uga atu ai e au ki a te koutou — ke fakailoa atu te tūlaga e i ei ki mātou uma i kinei, ma ke fakamālohi atu ki outou loto.

Filipi 2:1

Ko te ōlaga o koutou i te māfutaga ma Keliho e mākekeke ai koutou, ma ko tona alofa e fakamāfanafana ki a te koutou. Kua i te māfutaga fakatahi koutou ma te Agaga, ma kua ia te koutou te agalelei ma te tīgā alofa o tētahi ki tētahi.

Filipi 3:8

E hē nā ko nā mea iēnā oioti. Ia te au, e hēai lele he mea e hili atu te tāua i lo te iloa e au o Keliho Iehu toku Aliki. Kua tīaki e au nā mea uma lele, auā ia te au, ni otaota uma nā mea iēnā. Oioti lava te mea e fofou au ke kō maua ko Keliho,

Kolohe 1:26

ko te mealilo tēnā nae ia mumunia mai augā tupulaga mai te kāloā, kae nei kua fakailoa mai e ia ki ona tagata.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

Kolohe 1:9

Mai te aho lava la na ki mātou iloa ai, e hēki uma lele to mātou tatalo mo koutou. Ko ki mātou e tatalo ki te Atua ke fakatumulia koutou i te mālamalama e uiga ki tona finagalo, vēnā ma te poto uma ma te iloa e maua mai i tona Agaga.

Kolohe 2:19

ma kua hē pipiki ai ki a Keliho, te ulu o te Ekalehia. I lalo o te pule a Keliho, ko te tino o te Ekalehia kātoa e fafaga ma tāofi fakatahi e nā hokoga ma nā maho, ma e tupu e vē oi finagalo ki ei te Atua.

Kolohe 3:14

Ma ke fakaopoopo ki nā uiga lelei uma iēnei te alofa, tēia e ōpoi fakatahia nā mea uma, ma kātoatoa lelei ai.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

Kolohe 4:8

Ko te mea ia kua kō uga atua ai ki a te koutou, kae ke fai ma mea e fakamālohi atu ai ki a te koutou, e ala i nā tala ki te tūlaga e i ei ki mātou.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

1 Tehalonia 3:2

kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua,

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 6:11

Ko te mea e pito hili ona fofou ki mātou ki ei, ke mafai ke tūmau pea te koutou loto naunau ke pa ki te ikuga, kae ke mafai ai ona fakataunuku nā mea e fakamoemoe koutou ki ei.

2 Petelu 1:10

Ko te mea ia oku uho ma tuafafine, taumafai ātili ke kavea te kalagagia ma te filifilia o koutou e te Atua ma mea e mautū i te koutou ōlaga; kāfai e koutou faia te mea tēnei, ka hē mafai lele foki ke tīaki te koutou fakatuatua;

2 Petelu 1:3

Ko te mana o te Atua kua maua ai e ki tātou nā mea uma e manakomia e ki tātou ke ola ai ki tātou i he ōlaga e fiafia ki ei te Atua, e ala i to tātou mālamalama i tē kua ia kalagagia ki tātou ke i ei fakatahi ma ia i tona lava mamalu ma te lelei kātoatoa.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

1 Ioane 3:19

Ko nā mea la iēnā ka iloa ai ko ki tātou e i te meamoni, ma e lagona e o tātou loto te toka mālie i mua o te Atua.

1 Ioane 5:7

E toka tolu ia molimau: