Kolohe 2:18 - Tokelauan New Testament

¹⁸ Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

Kolohe 2:18 ပူးပေါင်းရင်းမြစ်များ

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Loma 1:25

E hē talitonu ki lātou ki te meamoni e uiga ki te Atua, kae talia e ki lātou te pepelo; e tāpuaki ma kaukauna kinā mea na gaohia e te Atua, kae e hē tāpuaki ki te tino e a ia nā mea na gaohi ma tē e tatau ke vīkia e tagata ke pa ki te fakavavau! Amene.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

1 Kolinito 13:4

Ko te alofa e onohai ma agalelei; e hē fuā pe fakamaualuga pe fāfia;

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

1 Kolinito 4:18

Ko iētahi o koutou kua fia popoto, ona nae hē manatu koutou ko au e āhiāhi atu ki a te koutou.

1 Kolinito 4:6

Ko nā mea uma iēnei oku uho, kua uma te fai e ki māua ma Apolo, ke fakafaigofie ai mo koutou. Kua kavea to mā toka lua ma fakatakitakiga, kae ke mālamalama ai koutou i te uiga o te fakakupuga e vē mai, “Fakamamalu nā tūlāfono moni.” Nahe i ei lele he tino o koutou e fiafia ki tētahi tino, kae inoino ki tētahi.

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

1 Kolinito 9:24

E iloa e koutou e tokalahi nā tino fētutuli i he tūkuga, kae e fokotahi oioti te tino e maua e ia te fakailoga. Fētutuli la kae ke maua te fakailoga.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Efeho 4:17

I te igoa la o te Aliki e lapataki atu ai au ki a te koutou: koutou nahe toe ola e vē ko tagata fakapaupau ma o lātou manatu e hēai he aogā

Efeho 5:6

Ia koutou nahe fakahehēa e he tino i ni kupu e hēai ni uiga; ko nā mea iēnei te ka pakū ai te tōkahā o te Atua ki luga o ki lātou e hē uhitaki ki a te ia.

Filipi 3:14

Ko au la e vili hako lava ki te hini kae ke kō maua te fakailoga o te manumālō, ko te kalaga mai tēnā a te Atua e ala ia Keliho Iehu, ki te ola e fakavavau.

Kolohe 2:23

Ko nā tūlāfono vēnā, e vē e fakavae i he poto fakatetagata, ma e takitaki fakamālohi ai ia tagata ke tāpuaki ki nā agelu, ke loto maulalo pepelo, ma ke fakahaunoa tauanoa ki te tino, kae e matuā hē aogā lava ki te tāofiofiga o nā tuinanauga ki te tino.

Kolohe 2:4

Ko au e lea vēnei atu kae ke nahe fakahehēa koutou e he tino i ni fakamatalaga hē hako.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

1 Timoteo 1:7

E fofou ke kavea ki lātou ma faiakoga o te tūlāfono a te Atua, kae e hē mālamalama ki lātou i nā kupu pe ko nā matākupu e tautatala agai ki ei ma to lātou mautinoa.

1 Timoteo 4:1

E manino lele te lea mai a te Agaga, e i ei nā tino ka olo kehe mai to lātou talitonuga faka-Kelihiano, i ni taimi mulimuli; ka uhitaki ki lātou ki nā agaga talapepelo, ma mulimuli ki akoakoga a nā tēmoni.

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.

1 Ioane 2:26

Ko au e tuhi atu vēnei ki a te koutou e uiga ki nā tino e taumafai ke fakahehē koutou.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.

Fakaaliga 3:11

Kua pili mai te taimi e fanatu ai au. Tāofi mau ki nā mea kua ia te koe, kae ke nahe kaihohoagia e he tino te fakailoga o tō manumālō.