Kolohe 2:11 - Tokelauan New Testament

¹¹ I te māfutaga fakatahi a koutou ma Keliho, ko koutou na pelitome, e hē i te pelitome fakatetagata, kae i te pelitome na fai e Keliho, tēia e aofia ai te fakahaolotoga o ki tātou mai te pule a o tātou lava tino agahala.

Kolohe 2:11 ပူးပေါင်းရင်းမြစ်များ

Maleko 14:58

“Na ki mātou lagona i te leaga vē o te tagata tēnei, ‘Ka talepe e au ki lalo te Mālumalu tēnei na fau i lima o tagata ma toe fakatū ai he Mālumalu e hēki faua i lima o tagata, kāfai e teka nā aho e tolu.’ ”

Luka 2:21

Kua teka nā aho e valu talu te fānau mai o te pepe, ko te aho ia e pelitome ai, oi fakaigoa ai ki a Iehu, te igoa na fakaigoa ai e te agelu, ka ko hēki to ia Malia.

Gāluega 17:24

Ko te Atua, tē na faia te lalolagi ma nā mea uma e i ei, ko te Aliki ia o te lagi ma te lalolagi, ma e hē nofo i ni mālumalu e fau i nā lima o tagata.

Gāluega 7:48

“Kae ko te Atua Hilihilikehe, e hē nofo i ni fale e fau i lima o tagata; e vē ko te lea a te pelofeta:

Loma 2:29

Ka ko te Iutaia moni, ko ia tēnā e Iutaia i loto, ma ko te pelitome moni ko he mea e i te fatumanava o te tino — he mea e māfua ona ko te gāluega a te Agaga Paia, kae hē ona ko te Tūlāfono kua tuhituhia. Ko te tino e vēnei, e maua e ia he vīkiga mai te Atua, kae hē mai tagata.

Loma 6:6

Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

Loma 7:24

Ko au la te fakanoanoa lahi. Ko ai nei te ka ia laveakia au mai te natula fakatetagata e iku ai au ki te oti?

2 Kolinito 5:1

Auā e iloa e ki mātou kāfai te falekie tēnei e nonofo ai ki mātou — o mātou tino i te lalolagi nei — e fakakino, ka i ei he fale e hāunia e te Atua i te lagi mo ki mātou, he fale e ia faua lava ma e tūmau ke pa ki te fakavavau.

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Epelu 9:11

Kae ko Keliho kua haele mai, ko ia ko te Ulu Ohitāulaga o nā mea lelei uma lele kua i kinei. Ko te falekie e galue ai e hili atu te tāua ma e lelei kātoatoa; e hē ko he falekie na fau i ni lima o ni tino, ma e hē o te lalolagi tēnei.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.