Kolohe 1:29 - Tokelauan New Testament

²⁹ Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

Kolohe 1:29 ပူးပေါင်းရင်းမြစ်များ

Luka 13:24

“Taumafai ke kui koutou ki loto i te faitotoka vāiti; auā e lea atu au ki a te koutou, e tokalahi nā tino ka taumafai ke kui ai, kae ka hē mafai.

Loma 15:20

Ko te mea e naunau au ki ei, ke tālaki atu te Tala Lelei ki nā koga ko hēki lagona ai te igoa o Keliho, kae ke nahe ati ake ai e au ki luga o he fakavae na kāmata e hētahi tino.

Loma 15:30

Ko au la e fakatagi atu ki a te koutou, oku uho, e ala i te Aliki ko Iehu Keliho ma te alofa e hau mai te Agaga: ke kau fakatahi ki tātou ma tatalo fakatauanau ki te Atua, mo au.

1 Kolinito 12:11

Kae ko te Agaga lava e fokotahi te ia faia nā mea uma iēnei; i tana lava filifiliga, e ia fōki ai nā meaalofa kehekehe ki tagata tau tokatahi.

1 Kolinito 12:6

E i ei nā itūkāigā mālamalama kehekehe e fakatino ai nā tautuaga, kae ko te Atua lava e fokotahi te maua ai te mālamalama e tagata uma, mo a lātou gāluega e tautua ai.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 13:3

Kua ia te koutou nā fakamāoniga uma ko Keliho e tautala kui atu ia te au. Ko Keliho e hē vāivai kāfai e fakatonu e ia koutou, kae e ia fakaalia tona mālohi i te fakatahi o ia ma koutou.

2 Kolinito 5:9

Kae e tuha lava pe ko ki mātou e i ei fakatahi ma te Aliki, pe nonofo kehe ma ia, e fakahilihili lava to mātou naunau, ke fai e ki mātou te mea e fiafia ia ki ei.

2 Kolinito 6:5

Ko ki mātou e kini, e falepuipui ma ogohia i te nunu fetunaki mai o tagata; e gālulue fītatā ma tau hē maua he moe, ma fia kakaia.

Efeho 1:19

ma te uiga kehe o te lahi o tona mana e galue i loto ia te ki tātou kua talitonu. Ko te mana e galue i loto ia te ki tātou, e tutuha lava ma te mālohi lahi

Efeho 3:20

Ki a te ia, tē e galue i loto ia te ki tātou e ala i tona mana, ma faia nā mea e hili lele atu te lahi i lo nā mea e gogō atu ki tātou ki ei, pe māfaufau foki ki ei:

Efeho 3:7

Ko au na kavea ma kaukauna a te tala lelei e ala i te alofa tūnoa, te meaalofa fōaki fua a te Atua, na ia fakagaluegia i loto ia te au e ala i tona mana.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 1:30

Ko koutou ma au e tau fakatahi i te taua. Ko te taua lava e tahi na koutou kitea e tau e au i nā aho kua teka, ma koi tau ai pea lava toku tagata nei, ke pa mai lava ki te taimi nei.

Filipi 2:13

auā ko te Atua e galue pea lava i taimi uma i loto ia te koutou, ke mafai ai ke i ei outou loto ma uhitaki ki te mea e finagalo ia ki ei.

Filipi 2:16

i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai ai i kinā ko aku taumafaiga uma ma aku gāluega, e hēki māumau.

Kolohe 2:1

Ko au e fofou ke koutou iloa, ko au e galue ma te fakamākeke mo koutou ma nā tino i Laotikeia, vēnā foki mo ki lātou uma ko hēki ki lātou iloa au.

Kolohe 2:12

Auā i te papatihoga o koutou, ko koutou na tanu fakatahi ma Keliho, ma e ala i te papatihoga na toe fakatutū mai ai foki koutou mai te oti fakatahi ma Keliho e ala i te koutou fakatuatua ki te mana galue o te Atua, tē na ia toe fakatūa ia Keliho mai te oti.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

2 Tehalonia 3:8

E hēki talia lele e ki mātou he fehoahoani mai he tino e aunoa ma te totogi e ki mātou ki ei i he tupe. Ko ki mātou nae gālulue ma te fītatā i te ao ma te pō, kae ke nahe fakafītatā ki mātou ki a te koutou.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

Epelu 12:4

I nā taumafaiga a koutou ke teteke atu ki te agahala, ko hēki pa lele koutou ki te tūlaga e vē kua lamatia ai outou ola.

Fakaaliga 2:3

E iloa e au ko koutou e onohai ma kua maua i nā puapuagā ona ko au, ma e hē fakavāivai lele ai koutou.