Kolohe 1:24 - Tokelauan New Testament

²⁴ I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Kolohe 1:24 ပူးပေါင်းရင်းမြစ်များ

Maleko 10:39

Kua tali mai ki lāua, “E ki mā mafaia.” Oi vāgana atu ai ia Iehu ki ei, “Ko te ipu e inu ai au ka inu ai koulua, ma ko te papatihoga e papatiho ai au ka papatiho ai koulua.

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Loma 5:3

Ko ki tātou foki e fāfifia ki nā puapuagā e maua ai ki tātou, auā kua ki tātou iloa ko te puapuagā e tupu ai te onohai,

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

1 Kolinito 12:27

Ko koutou uma ko te tino o Keliho, ma ko koutou tau tokatahi ni itūtino e o ia.

2 Kolinito 12:15

E fiafia lahi lele au oi fakafano uma aku mea vēnā ma toku tagata kātoa, ke fehoahoani atu ki a te koutou. Kāfai nei e ātili lahi toku alofa ki a te koutou, ka ātili fakaitiitia ai nei te koutou alolofa mai ki a te au?

2 Kolinito 6:10

e ui e fakanoanoa, kae ko ki mātou e fiafia i taimi uma; e ui e vē ki mātou e mātitiva, kae kua maukoloa te tokalahi o tagata ona ko ki mātou; e ui e vē ki mātou e hēai ni mea, kae ko nā mea uma lele e a ki mātou.

2 Kolinito 7:4

Ko au e talitonu kātoatoa ki a te koutou; e lahi toku fāfia ona ko koutou. E ui i te lahi o nā fakafītāuli e feagai ma ki mātou, ko au e loto tele pea lava; ko au e fakatumulia i te fiafia.

Efeho 1:23

Ko te Ekalehia ko te tino ia o Keliho, ko te kātoatoaga ia o tē e ia fakakātoatoagia ia mea uma lele i ho he mea.

Efeho 3:1

Ona ko te mea tēnei, ko au ko Paulo, te pagotā a Keliho Iehu, e tatalo ki te Atua mo koutou tagata nukukehe.

Efeho 3:13

Ko te mea ia e lea atu ai au ki a te koutou, ia koutou nahe fakavāivai ona ko au e maua i puapuagā mo koutou; ko te mea tēnei e mo te manuia o koutou.

Filipi 3:10

Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia

Kolohe 1:18

Ko ia ko te ulu o tona tino, ko te Ekalehia tēnā; ko ia ko te puna o te ola mo te Ekalehia. Ko ia ko te Ataliki ulumatua, tē na toe fakatū mai i te oti, kae ke kavea ai ia ma muamua i nā mea uma lele.

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

Iakopo 1:2

Te kau uho, koutou ke fiafia kāfai koutou e maua i te lahi o itūkāigā tofotofoga kehekehe,