Kolohe 1:23 - Tokelauan New Testament

²³ Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:23 ပူးပေါင်းရင်းမြစ်များ

Maleko 16:15

Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Luka 22:32

Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Luka 6:48

Ka vēia ia ko he tino e fau tona fale; e keli e ia fakaloloto te tulagā fale, oi fau ai te fakavae ki luga o te papa. Kua pā te vaitafe, oi tafe mai ai te lolovai ki te fale, kae e hēki māluelue lele auā na lelei te fauga.

Ioane 15:6

Ko nā tino e hē tūmau to lātou tahi ia te au, e togi kehe e vē ko he lālā ma mamago ai; ko nā lālā vēnei e fakaputu ma togi ki loto o te afi ma mu ai.

Gāluega 1:17

Ko Iuta nae he hoa e o ki mātou, auā na filifilia ia ke gālulue fakatahi ki mātou.”

Gāluega 1:25

ke fai ma apohitolo ke hui ai ia Iuta, tēia kua fano lava ki te mea e talafeagai mo ia.”

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 2:5

Nae i ei ni tino Iutaia nae nonofo i Ieluhalema, ni tino lolotu i te lotu Iutaia, na ōmamai i nā atunuku uma o te lalolagi.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 26:16

Kae tū loa ki luga. Kua fakakitea atu au ki a te koe ke tōfia ai koe ke kavea ma aku kaukauna. Ka fakailoa atu e koe ki iētahi tino nā mea kua kitea e koe i te aho nei, ma nā mea ka fakahino atu e au i te lumanaki.

Gāluega 4:12

Ko te fakaolataga e maua oioti lava e ala ia te ia; e hēai hētahi tino i te lalolagi kātoa kua fōki mai e te Atua, e ia mafaia oi fakaola ki tātou.”

Loma 10:18

Kae ko au la e fehili: E moni nei ko hēki fakalogo ki lātou ki te fekau? Ko te meamoni, kua lagona e ki lātou — auā e lea mai te tuhituhiga paia: “Ko o lātou leo kua halalau ki te lalolagi kātoa; ko a lātou kupu kua pa ki nā pito uma o te lalolagi.”

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

1 Kolinito 3:5

Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 4:1

Ko te alofa tūnoa o te Atua kua tuku mai ai e ia tana gāluega ke fai e ki mātou, oi ko ki mātou e hē fakavāivai lele.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Kalatia 4:11

Ko au te popole na meake ko aku gāluega uma e fai mo koutou, e fakahēaogāgia?

Kalatia 5:5

Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Kalatia 5:7

Ko koutou nae fētutuli lelei lele! Ko ai te nae fakalavelave atu ki a te koutou ma kua hē mafai ai koutou ke talitonu ki te meamoni?

Kalatia 6:9

Ki tātou la nahe fakavāivai oi fai nā mea e lelei; auā kāfai ki tātou e hē fakavāivai, e hau te taimi ka maua ai e ki tātou te helehelega.

Efeho 1:18

Ko au e talohaga atu ke tatala ko outou māfaufau ke kitea ai e koutou te mālamalama e hau mai ia te ia, kae ke iloa ai e koutou pe ko he ā tonu te fakamoemoe kua kalaga mai ai ki a te koutou, ma te lahi o nā fakamanuiaga gali kua folafola e ia ki ona tagata,

Efeho 2:21

Ko ia te tamaua te fale kātoa ke mau, ma ia faua ke kavea ma mālumalu kua fakapaia mo te Aliki.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Efeho 4:16

I lalo o tana taukikilaga, ko nā itūtino kehekehe uma o te tino e nofo tonu ma fetaui lelei, ma ko te tino kātoa e tamau fakatahi e nā hokoga takitahi uma kua hāunia e ia. Ko te mea ia, kāfai nā vāega kehekehe takitahi e gālulue e vē ona fuafuagia, ka vēnā foki oi tuputupu ake te tino kātoa ma fano e mālohi e ala i te alofa.

Kolohe 1:25

Ma ko au kua tōfia e te Atua ke fai ma kaukauna ki te Ekalehia, ma ia fōki maia te gāluega tēnei ke fai mo te koutou lelei. Ko te gāluega tēnei, ko te folafolaga kātoatoa o tana fekau,

Kolohe 2:7

Ke mau ma loloto nā aka o koutou ia te ia, ati ake outou ōlaga i luga o ia, ma ke tuputupu te mālohi o te koutou fakatuatua, e vē oi akoako atu ai koutou. Ma ke fakatūtumugia koutou i te loto fakafetai.

1 Tehalonia 3:3

kae nahe i ei he tino o koutou e toe holomuli ona ko nā fakahāuāga. E iloa lelei lava e koutou ko nā fakahāuāga ko he vāega lava tēnā o te finagalo o te Atua mo ki tātou.

1 Tehalonia 3:5

Ko te ala ia na uga atu ai e au ia Timoteo. Kua hē kō nafatia lele toku fia iloa te tūlaga kua i ei te koutou fakatuatua, oi kua uga atu ai e au kae ke maua mai he fakamatalaga. Kua hē uma toku popole auā koutou i nā fakaohoohogia e te Tiāpolo, ma fakahēaogā uma lele ai a mātou gāluega.

1 Tehalonia 5:8

Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

1 Timoteo 1:12

Ko au e fakafetai ki a Keliho Iehu to tātou Aliki, tē kua ia fōki maia te mālohi ke galue ai au. Ko au e fakafetai ona e ia kiteagia toku fakamāoni ma ia tōfia ai au ke galue mo ia,

1 Timoteo 2:7

Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Tito 3:7

kae ke mafai ai ke fakalelei te va o ki tātou ma te Atua e ala i tona alofa tūnoa, ma maua ai e ki tātou te ola e fakavavau tēia e fakamoemoe ki tātou ki ei.

Epelu 10:38

Kae ko nā tino o oku e āmiotonu, ka talitonu ma ola; kae kāfai he tino o ki lātou e toe liliu kehe ma au, ko au la ka hē fiafia ki a te ia.”

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Epelu 6:19

Ko te fakamoemoe tēnei kua ia te ki tātou, e vē ko he taula mo o tātou ōlaga, e mautinoa e haogalēmū ai ki tātou; ma ko te fakamoemoe tēnei ko Iehu, ko tē kua fano kui atu i te kie pupuni i te Mālumalu i te lagi, ki loto o te Nofoaga e Hili te Paia

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.