Kolohe 1:22 - Tokelauan New Testament

²² Kae nei, e ala i te mate o tona Ataliki, ko koutou kua fai e te Atua ma ana uō, kae ke ōmamai ai koutou ki a te ia, kua uma te fakapaiagia, mamā ma hēai ni hehē.

Kolohe 1:22 ပူးပေါင်းရင်းမြစ်များ

Luka 1:75

kae ke mafai ai ki tātou ke fakapaiagia ma āmiotonu, i mua o ia i aho uma o to tātou ola.

Loma 7:4

Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

2 Kolinito 11:2

E lagona e au te fuā ki a te koutou, e vē ona fuā te Atua; auā ko koutou e vē ko he taupou lelei kātoatoa, ka tuku atu e au ke fakaipoipo ki he tamāloa e fokotahi oioti lava, ko Keliho tēnā.

2 Kolinito 4:14

E iloa e ki mātou ko te Atua, tē na ia fakatūa te Aliki ko Iehu ki te ola, ka ia fakatutūa foki ki mātou ma Iehu, ma ia kavea ai ki mātou fakatahi ma koutou, ki te mea e i ei ia.

2 Kolinito 5:18

Ko te mea kātoa tēnei na fai e te Atua. Na ia fakaleleia to tātou va ma ia e ala ia Keliho, ma tuku mai e ia ki a te ki mātou te gāluega ko te fakaleleia o te va o ia ma iētahi tino.

Efeho 1:4

Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Efeho 5:27

kae ke ia tukulima atu ai te Ekalehia ki a te ia lava, i tona gali kātoatoa — e mamā ma hēai he hehē, e hēai he ila pe he mafenu, pe ko hētahi lava mea e hē kātoatoa te lelei.

Kolohe 1:28

Oi e folafola la e ki mātou te fekau e uiga ki a Keliho, ki tagata uma. E lapataki ma akoako e ki mātou e ala i te poto kua ki mātou mauagia, kae ke mafai ai ke kaumai ki lātou tau tokatahi ki mua o te Atua, kua āmio fakatagata matua i te māfutaga ma Keliho.

1 Tehalonia 4:7

E hēki kalagagia ki tātou e te Atua ke ola i nā uiga kino fakatetino, kae ke ola i nā uiga e paia.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 10:10

Ona na fai e Iehu Keliho te mea na fofou ki ei te Atua, kua fakamamāgia uma ai ki tātou mai te agahala, e ala i te tāulaga na ia ofo atu ai tona lava tino i te taimi lava tēnā e fokotahi, mo tagata uma.

Epelu 10:20

Na tatala mai e ia mo ki tātou he auala fou, he auala e kui ki te ola, kui atu i te kie pupuni — ko tona uiga, e ala i tona lava tino.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —