Kolohe 1:14 - Tokelauan New Testament

¹⁴ tē kua maua ai e ki tātou te haolotoga, ko tona uiga, ko a tātou agahala kua fakamāgalo.

Kolohe 1:14 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Luka 5:20

Kua kitea e Iehu te lahi o to lātou fakatuatua, oi vāgana atu ai ki te tamāloa, “Te uho, ko au agahala kua fakamāgalo.”

Gāluega 10:43

Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Efeho 4:32

Kae ke agalelei ma loto lelei tētahi ki tētahi, ma fakamāgalo tētahi e tētahi e vē oi fakamāgalo koutou e te Atua e ala ia Keliho.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Kolohe 2:13

Ko koutou na i ei te taimi na pa ai koutou ki te oti i te itū fakateagaga, ona ko autou agahala ma e ona ko koutou ni tagata nukukehe ma nae hē koutou iloa te Tūlāfono. Ka kua toe kaumai koutou e te Atua ki he ōlaga fou fakatahi ma Keliho. Kua fakamāgalo ki tātou e te Atua mai ia tātou agahala uma lele;

Kolohe 3:13

Ke maua e koutou te loto onohai o tētahi ki tētahi, ma kāfai e i ei he faitioga a he tino o koutou ki hētahi tino, ke maua e koutou te agaga fakamāgalo i ho he taimi. E tatau ke fakamāgalo tētahi ki tētahi, e vē oi fakamāgalo koutou e te Aliki.

1 Timoteo 2:6

na ia ofo atua tona ola, ke fakahaoloto ai ia tagata uma mai te agahala ma te oti. Ko te fakamāoniga tēnā i te taimi tatau, ko te Atua e fofou ke fakaola ia tagata uma.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 9:12

I te fanoga o Keliho ki loto o te falekie ma ulu atu ki loto o te Nofoaga e Hili te Paia mo te toe taimi lava, e hēki ia kavea te toto o nā oti ma nā povi ke ofo atu ma tāulaga; kae na ia ofo atua tona lava toto ma na maua ai e ki tātou te fakaolataga e fakavavau.

Epelu 9:22

E tuha ai ma te Tūlāfono, toetoe lava ko mea uma lele e fakamamāgia i te toto, ma ko nā agahala e fātoā mafai ke fakamāgalo kāfai te toto e fakamaligi ki fafo.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Ioane 1:9

Kae kāfai e takutaku atu a mātou agahala i mua o te Atua, ka fakamāoni pea ia ma ia faia te mea e hako: ka fakamāgalo e ia a mātou agahala ma fakamamā ki mātou mai o mātou hehē uma.

1 Ioane 2:12

Ko au e tuhi atu ki a te koutou taku fānau, auā ko autou agahala kua fakamāgalo e ala ia Keliho.

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.