Kalatia 6:9 - Tokelauan New Testament

⁹ Ki tātou la nahe fakavāivai oi fai nā mea e lelei; auā kāfai ki tātou e hē fakavāivai, e hau te taimi ka maua ai e ki tātou te helehelega.

Kalatia 6:9 ပူးပေါင်းရင်းမြစ်များ

Mataio 10:22

ma ka inohia koutou e tagata uma ona ko au. Ka ko te tino e onohai pea lava ke pa ki te ikuga, ka fakaolagia.

Mataio 24:13

Kae ko te tino e onohai pea lava ke pa ki te ikuga, ka fakaolagia.

Mataio 25:17

Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua.

Mataio 9:19

Oi tū ai ki luga ia Iehu ma mulimuli ki te tamāloa fakatahi ma ona hoko.

Maleko 3:3

Kua vāgana atu ia Iehu ki te tamāloa, “Hau ki mua i kinei.”

Luka 18:1

Oi fai ai e Iehu he talafakatuha ki ona hoko, ke ki lātou iloa ai e tatau lava ki lātou ke fakamākekeke oi tatalo, ma ke nahe fakavāivai lele.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

2 Kolinito 4:1

Ko te alofa tūnoa o te Atua kua tuku mai ai e ia tana gāluega ke fai e ki mātou, oi ko ki mātou e hē fakavāivai lele.

2 Kolinito 4:16

Ko ki mātou la e hē fakavāivai lele. E ui lava ko o mātou tino fakatetagata e fano lava e pala, kae ko o mātou tino fakateagaga, e fakafougia pea lava i aho takitahi.

2 Kolinito 9:6

Ke manatua e koutou, ko te tino e taigole ana fatu e totō, ka vēnā foki oi taigole na fua e ia helehelea; ka ko te tino e lahi ana fatu e totō, ka vēnā foki oi lahi na fua e ia helehelea.

Efeho 3:13

Ko te mea ia e lea atu ai au ki a te koutou, ia koutou nahe fakavāivai ona ko au e maua i puapuagā mo koutou; ko te mea tēnei e mo te manuia o koutou.

2 Tehalonia 3:13

Kae ko koutou, te kau uho, koutou nahe fakavāivai oi fai nā mea e lelei.

Epelu 12:3

Māfaufau ki nā mea na pa ia ki ei; ki te lava o tona onohai ki faiga fakatauemu a nā tino agahala nae feita lahi ki ei. Koutou la nahe fakavāivai pe loto pala.

Epelu 12:5

Ko koutou nei kua pupuli i nā kupu fakamākeke na vāgana atu ai te Atua ki a te koutou tana fānau? “Taku tama, fakalogo lelei kāfai koe e fakatonu atu e te Aliki, ma ia koe nā fakavāivai kāfai koe e akoaki e ia.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Iakopo 5:7

Koutou la ke onohai, te kau uho, ke pa ki te aho e haele mai ai te Aliki. Kikila ki te onohai o nā faifatoaga ka koi fakatalitali ke maua mai ni fua tāua mai o lātou fenua! E fakatalitali ma te onohai ke pa ki te vāitaimi e ua ai i te kāmataga ma i te vāitaimi ka helehele ai.

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 3:17

Auā e hili atu te puapuagā o koutou ona e koutou faia nā mea lelei, pe kāfai ko te finagalo ia o te Atua, i lo te puapuagā ona ko nā mea kino e koutou faia.

1 Petelu 4:19

Ko te mea ia, ko nā tino e puapuagā ona ko te mea ia kua finagalo ki ei te Atua, ka ki lātou faia te mea e hako ma tuku kātoatoa atu ki lātou ki te pule a tē na faia ia mea uma, ma e tauhi pea lava ki ana folafolaga.

Fakaaliga 2:17

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō fōkia ki ei he vāega o nā mānai nae mumuni. Ka kō fōkia foki ki a te ki lātou tau tokatahi, he fatu paepae e tūhia i luga he igoa fou e hē iloa e he tino, vaganā ai te tino e fōki e au ki ei.

Fakaaliga 2:3

E iloa e au ko koutou e onohai ma kua maua i nā puapuagā ona ko au, ma e hē fakavāivai lele ai koutou.

Fakaaliga 2:7

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō tukua ki ei te avanoa ke kakai ai ki nā fua o te lākau o te ola, e ola i te Fatoaga o te Atua.