Kalatia 6:2 - Tokelauan New Testament

² Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Kalatia 6:2 ပူးပေါင်းရင်းမြစ်များ

Mataio 8:17

Na fai e ia te mea tēnei ke taunuku ai te kupu a te pelofeta ko Ihaia e vē, “Ko ia lava na kave kehea o tātou tauale ma taukavea o tātou tīgā.”

Luka 11:46

Kua tali mai ia Iehu, “Kae hāloa foki koutou nā faiakoga o te Tūlāfono! E fakauta e koutou nā kavega amo gatā ki nā tua o tagata, kae e hē fia fehoahoani lele koutou ki ei ki te amoga o nā kavega iēnā.

Ioane 13:34

Ma i te taimi nei, e kō tuku atua ki a te koutou he fakatonuga fou: ke alofa tētahi ki tētahi. E vē ona alofa atu au ki a te koutou, ke vēnā foki ona alofa tētahi ki tētahi.

Ioane 15:12

Ko taku fakatonuga la tēnei: ke alofa tētahi ki tētahi e vē ona alofa atu au ki a te koutou.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

1 Kolinito 9:21

E vēnā foki la kāfai au e galue mo tagata nukukehe, ko au e ola e vē he nukukehe i fafo o te Tūlāfono Iutaia, kae ke maua ai e au ia tagata nukukehe. E hē vē la ko au e hē uhitaki ki te tūlāfono a te Atua; ko au e i lalo o te tūlāfono a Keliho.

Kalatia 6:5

Auā ko ki tātou, e amo lava te kavega a te tino.

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

Iakopo 1:25

Kae ko nā tino e kikila ki te tūlāfono e kātoatoa te lelei, tēia e fakahaoloto ai ia tagata, ma tūmau to lātou uhitaki ki ei kae hē nā ko te fakalogo oioti ki ei ma toe puli, kae fakatino — ka fakamanuia ki lātou e te Atua i nā mea e ki lātou faia.

Iakopo 2:12

Tautatala la ma gālulue ke kitea ai e iloa e koutou ko koutou e fakamahino e te Tūlāfono, tēia e maua ai e tagata te haolotoga.

Iakopo 2:8

Ko he mea e tatau lava ke koutou faia, te uhitaki ki te tūlāfono o te Mālō o te Atua e vē oi tūhia i te tuhituhiga paia, “Alofa ki tō tuākoi e vē oi alofa koe ki a te koe lava.”

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

2 Petelu 2:21

Na hili lele atu ai kana he mea e hēki ki lātou iloa te auala o te āmiotonu, i lo te iloa kae toe liliu kehe mai nā fakatonuga paia na tuku ake ki a te ki lātou.

2 Petelu 3:2

Ko au e fofou ke koutou manatuagia nā kupu na tautatala ai nā pelofeta paia i nā aho kua leva, ma te fakatonuga mai te Aliki ma te Fakaola na tuku atu ki a te koutou e nā apohitolo o koutou.

1 Ioane 4:21

Ko te fakatonuga kua tuku mai e Keliho ki a te ki tātou ko tēnei: ko ai lava e alofa ki te Atua e tatau ke alofa foki ki o lātou uho ma o lātou tuafafine.