Kalatia 6:16 - Tokelauan New Testament

¹⁶ Kae vē la ki a te ki lātou uma e mulimuli ki te tūlāfono tēnei, ke ia te ki lātou te fīlēmū ma te alofa tūnoa, ma ke vēnā foki ona i ei i tagata uma o te Atua.

Kalatia 6:16 ပူးပေါင်းရင်းမြစ်များ

Ioane 1:47

I te kitea atuga e Iehu ko Natanielu e hau ki a te ia, oi lea ai vēia, “Kikila, he Ihalaelu moni tēnei; he tino e hē mafai ke pepelo!”

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Loma 4:12

Ko ia foki ko te tamana o ki lātou kua uma te pelitome, ko tona uiga, ko nā tino e hē gata i te kua uma o te pelitome, ka nae ola foki i he ōlaga fakatuatua e vē ko te ōlaga nae ola ai ia Apelaamo, ka ko hēki pelitome ai.

Kalatia 1:3

Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Kalatia 3:29

Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

Kalatia 5:16

Ko te mea e lea atu ai au ko tēnei: tuku ki te Agaga ke ia takitakiagia outou ōlaga, oi hē fakamaliea ai e koutou te natula fakatetagata.

Kalatia 5:25

Kāfai kua fōki mai e te Agaga te ola ki a te ki tātou; e tatau foki la ke takitaki ki tātou e te Agaga.

Efeho 6:23

Ke maua e te kau uho Kelihiano uma te fīlēmū vēnā te alofa ma te fakatuatua mai te Atua te Tamana ma te Aliki ko Iehu Keliho.

Filipi 3:16

Oioti lava te mea, tātou pipiki mau pea ki nā tūlāfono nae mulimuli ki tātou ki ei mai te kāmataga, ke pa mai ki te taimi nei.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

Filipi 4:7

Ma ko te fīlēmū o te Atua, tēia e hē tāitai ke pa ki ei te mālamalama o te tagata, ka puipui malu ki outou loto ma outou māfaufau, i te māfutaga fakatahi ma Keliho Iehu.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

Iuta 1:2

Ke ia te koutou te alofa tūnoa, te fīlēmū ma te agalelei mai te Atua.