Kalatia 6:13 - Tokelauan New Testament

¹³ Ke pa foki lava ki nā tino kua uma te pelitome, e hē mulimuli ki te Tūlāfono; e fofou ko koutou ke pelitome kae ke fai ai o lātou fāfifia, ko koutou na pelitome ona ko ki lātou.

Kalatia 6:13 ပူးပေါင်းရင်းမြစ်များ

Mataio 23:15

“Kae hāloa la koutou faiakoga o te Tūlāfono ma te kau Falehaio! Ko koutou ni tagata fakagutugutulua. E faimalaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluaina ai te faigōfie oi fano te tino tēnā ki kēna, e vē foki lava ko koutou.

Mataio 23:23

“Kae hāloa la koutou nā faiakoga o te Tūlāfono ma te kau Falehaio. Ko koutou ni tagata fakagutugutulua. E fōki e koutou mo te Atua te tahi vaehefulu o nā mea fakamanogi meakai e vē ko te mineti, te tili ma te kumini, kae kua hē mulimuli koutou ki nā akoakoga tāua o te Tūlāfono, vē ko te fakatutuha o tagata uma i te tūlāfono, te agalelei ma te fakamāoni. Ko nā mea iēnei e tatau ke fai e koutou, kae hē tiakia ai iētahi mea.

Mataio 23:3

Ko koutou la e tatau ke fakalogo ma mulimuli ki nā mea uma e lea atu ai ki lātou ke koutou faia; kae ia koutou lele nā fakatakitaki ki a lātou mea e fai, auā e hē fakatinoa e ki lātou a lātou kupu e tautatala ai.

Luka 5:38

Kae ko te uaina fou e tatau ke utu ki loto o ni fagu pakumanu uaina fou.

1 Kolinito 3:21

Ko te mea ia e hē tatau ai ke fāfia he tino i nā mea e mafai ke fai e tagata. Ko te meamoni, ko nā mea uma lele e a koutou:

1 Kolinito 5:6

E hē tatau koutou ke fāfifia. E hē koutou iloa ko te tamākīkī fefete e fefete ai te paluga kātoa?

2 Kolinito 11:18

Kae ona e tokalahi lele ia tagata e fāfifia i nā mea fakatetagata, ko au foki la ka fāfia.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

2 Petelu 2:19

E folafola e ki lātou te haolotoga, kae ko ki lātou foki ni pologa a nā uiga kino e fakaumatia ai lava ki lātou — auā ko te tagata ko he pologa a ho he mea kua fakatōkilalogia ia.