Kalatia 6:12 - Tokelauan New Testament

¹² Ko nā tino e taumafai ke fakamālohia koutou ke pelitome, ko ki lātou lava iēnā te fia iloa ma fāfifia i nā mea i te kikila atu i fafo. Kae oioti lava te mea e fai ai e ki lātou te mea tēnei, ona e mātataku nā ki lātou e kupugia kāfai e tālaki e ki lātou e uiga ki te hātaulo o Keliho.

Kalatia 6:12 ပူးပေါင်းရင်းမြစ်များ

Mataio 23:27

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua! Ko koutou e vēia ko nā tugamau kua vali paepae, e manaia mai ia fafo ka ko loto e tumu i te pogāivi ma nā tino oti kua pala.

Mataio 23:28

E vēnā foki lava te kikila atu ki a te koutou i fafo, e āmiotonu i te kikilaga a tagata, ka ko loto e tumu i te fakagutugutulua ma te agahala.

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Mataio 5:10

Amutia nā tino e maua i nā fakahāuāga ona e fai e ki lātou te finagalo o te Atua; auā e o ki lātou te Mālō o te lagi!

Mataio 6:16

“Kāfai koutou e fakalāina, koutou nā mata fakanoanoa e vē ko faiga a nā tino āmio pepelo. E hē teuteua fakalelei o lātou fōliga kae ke matea ai e tagata ko ki lātou e fakalāina. E takutino atu e au ki a te koutou, ko tēnā oioti lava to lātou taui ka maua.

Mataio 6:2

“Ko te mea ia, kāfai e fōki hau mea mo he tino mativa, nahe fakapiha lele ke iloa e tagata e vē ko faiga a tagata āmio pepelo e fai i loto o nā hūnako ma luga o nā auala. E fai e ki lātou kae ke maua ai ni o lātou vīkiga. E takutino atu e au ki a te koutou, ko tēnā oioti lava to lātou taui ka maua.

Mataio 6:5

“Kāfai koutou e tatalo, ia koutou nā vē ko faiga a nā tino āmio pepelo. E fiafia oi tutū ma tatalo i loto o nā hūnako ma nā auala kae ke kitea ki lātou e tagata. E takutino atu e au ki a te koutou, ko tēnā oioti lava to lātou taui ka maua.

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Luka 20:47

e fakavalea e ki lātou nā fafine kua oti a lātou āvaga, ma kaihohoa o lātou fale; e fakaloloa a lātou tatalo kae ke ofo ai ia tagata. Ka hili lele atu ai lava te mamafa o te lātou fakahalaga!”

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Gāluega 15:1

E i ei ni taulelea na ōifo mai Iutea ki Anitioka ma kāmata akoako vē atu ki nā tino kua talitonu, “E hē mafai koutou ke fakaola e te Atua, heiloga ko koutou kua pelitome e vē oi lea mai te Tūlāfono a Mohe.”

Gāluega 15:5

Kae e i ei iētahi tino Kelihiano, ni tino o te kau Falehaio, kua tutū ki luga ma lea vē atu, “Ko nā tino nukukehe e tatau ke pelitome ma fakatonu ke uhitaki ki te Tūlāfono a Mohe.”

2 Kolinito 10:12

E hē vē ko ki mātou e taumafai ke fakatuhatuha ki mātou ki nā tino e manatu ko ki lātou lava e hili te lelei. Kai te vālelea ātili o iēnei tino! E fai e ki lātou lava te fua fakatatau ke fua ai te tūlaga e i ei ai ki lātou tau tokatahi, ma e fakamahino lava e tētahi tētahi e ala i te lātou lava fua fakatatau!

2 Kolinito 11:13

Ko nā tino iēnā e hē ni apohitolo moni — ni apohitolo pepelo, e ki lātou pelogia ia tagata e uiga ki a lātou gāluega e fai, ma taumafai ke vē ki lātou ni apohitolo moni lava e a Keliho.

Kalatia 2:14

I te kō kiteaga ko te vāega tēnei e hē havavali i te auala hako e tuha ai ma te kupu moni e uiga ki te Tala Lelei, oi lea vēnei ai au ki a Petelu i mua o ki lātou uma, “Ko koe he Iutaia, kae ko koe nae ola lava e vē he tino nukukehe, kae hē vē he Iutaia. E vēhea la ona taumafai koe ke fakamālohi ki nā tino nukukehe ke ola e vē ni tino Iutaia?”

Kalatia 2:3

Ko toku hoa ki a Tito, e ui ko he tino Eleni kae e hēki fakamālohiagia ke pelitome,

Kalatia 5:11

Kae e vē la ko au, te kau uho, kāfai e tālaki pea e au ko te pelitome ko he mea e tatau ke fai, he ā la te koi fakahāuā mai ai pea ia tagata ki a te au? Kāfai au e lea ki nā tino ko te pelitome ko he mea e tatau ke fai, ko tona uiga ko te fekau e folafola e au e uiga ki te hātaulo, e hē tatau ke fai ma fakalavelave ki a te ki lātou.

Kalatia 6:13

Ke pa foki lava ki nā tino kua uma te pelitome, e hē mulimuli ki te Tūlāfono; e fofou ko koutou ke pelitome kae ke fai ai o lātou fāfifia, ko koutou na pelitome ona ko ki lātou.

Filipi 1:15

E hako e i ei nā tino e tālaki e ki lātou e uiga ki a Keliho ona e loto kino ma teteke mai ki a te au, kae e i ei foki iētahi e tālaki e ki lātou i te agaga moni

Filipi 2:4

Ma kikila ki nā mea e manuia fakatahi ai koutou, kae nahe kikila lava te tino mo ia lava.

Filipi 3:18

Kua lea fakafia atu au ki a te koutou i te mea tēnei, ma ka toe lea atu foki au ma te maligi o oku loimata; e tokalahi nā tino e ola i he ōlaga kua kavea ai ki lātou ma fili o te hātaulo o Keliho.

Kolohe 2:23

Ko nā tūlāfono vēnā, e vē e fakavae i he poto fakatetagata, ma e takitaki fakamālohi ai ia tagata ke tāpuaki ki nā agelu, ke loto maulalo pepelo, ma ke fakahaunoa tauanoa ki te tino, kae e matuā hē aogā lava ki te tāofiofiga o nā tuinanauga ki te tino.