Kalatia 6:10 - Tokelauan New Testament

¹⁰ Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Kalatia 6:10 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 5:43

“Kua fakalogo koutou ki nā akoakoga, ‘Alofa ki au uō, kae ita ki nā tino e fai koe ma o lātou fili.’

Maleko 3:4

Oi fehili atu ai ia Iehu ki a te ki lātou, “He ā te fakataga i te tātou Tūlāfono ke fai i te Hāpati? Ko te fai o he mea ke fakahao ai he ola, pe ke fakauma ai?” Ka kua hēai he tino e vaivaia.

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Ioane 12:35

Kua tali atu ia Iehu, “Ko te mālamalama ka i ei fakatahi ma koutou mo hina taimi. Havavali loa ka koi i ei fakatahi te mālamalama ma koutou, kae ke nahe maua koutou i te pōuli; auā ko te tino e havali i te pōuli, e hē ia iloa te mea e fano ia ki ei.

Ioane 9:4

E tatau ke fai pea lava e ki tātou te gāluega a tē na ia uga maia au meamanū koi ao; e pa mai loa te pō, e hēai he tino e mafai ke galue.

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

2 Kolinito 2:8

Ko au la e talohaga atu ki a te koutou; fakailoa ko ki ei ko koutou e alolofa moni ake ki a te ia.

Kalatia 1:23

Na fakalogo oioti ki lātou ki nā tino e lea vē, “Ko te tagata tēnei nae fakahāuā mai ki a te ki tātou, kae nei kua tālaki e ia te talitonuga faka-Kelihiano nae teteke lahi ki ei muamua.”

Efeho 2:19

Ko te mea la ia, ko koutou tagata nukukehe kua hē toe ni tagata nukukehe pe ni tino kehe. Ko koutou kua fai ma tagatānuku fakatahi ma iētahi uma kua i loto o te kāiga o te Atua.

Efeho 3:15

tē e maua ai e kāiga takitahi uma i te lagi ma te lalolagi, o lātou igoa hako.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

Efeho 5:16

Fakaaogā lelei nā avanoa uma e maua e koutou, auā ko nā aho iēnei ni aho kino.

Filipi 4:10

I toku ōlaga i te māfutaga fakatahi ma te Aliki, ko he mea e fiafia lahi ai au, ona kua toe maua e koutou he avanoa, e ui lava kua mataloa, ke fakaalia ai te koutou alolofa mai ki a te au. E hē vē ko koutou nae hē alolofa mai ki a te au — kae kogā lava nae hēai he avanoa ke fakatino ai te koutou alolofa.

Kolohe 4:5

Ke koutou iloa oi fai te koutou āmio i te va feagai ma tagata hē talitonu, ma ke fakaaogā lelei nā avanoa vēnā.

1 Tehalonia 5:15

Kikila ke nahe i ei he tino e ia taui atua te kino i te kino, kae taumafai i taimi uma ke fai nā mea lelei e tētahi ki tētahi, ma vēnā ki tagata uma.

1 Tehalonia 5:21

Tuku ia mea uma ki te tofotofoga: tāofi nā mea e lelei,

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.

Epelu 13:16

Tautuanā e fai e koutou ni gāluega lelei ma fehoahoani tētahi ki tētahi, auā ko iēnā nā tāulaga e fiafia ki ei te Atua.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

1 Petelu 4:17

Auā kua pa mai te taimi ka kāmata ai te fakamahinoga, ma ko nā tino moni o te Atua ko ki lātou iēnā te ka muamua oi fakamahino. Kāfai e kāmata ia te ki tātou, he ā nei te ikuga o nā tino e hē talitonu ki te Tala Lelei mai te Atua?

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

3 Ioane 1:10

Kāfai la ia au e fanatu, oi ka kikila totoka ai au ki ana mea uma kua fai; ana tala mātagā e uiga ki a te ki mātou, ma ana tala pepelo. Kae e hē malie ai lava tona loto; ka hē ia taliagia foki nā uho Kelihiano kāfai e ōmamai, ma ia tāofiofia foki nā tino o te Ekalehia e fofou ke ki lātou taliagia, ma taumafai ke tuli kehe nā tino iēnei ma te Ekalehia.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.

3 Ioane 1:3

Ko au na fiafia lahi lele i te taunuku maiga o ni uho Kelihiano, ma ki lātou molimaugia te pipiki o koe ki te meamoni — e vē lava ona ola ai koe i aho uma, i te meamoni.