Kalatia 5:5 - Tokelauan New Testament

⁵ Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Kalatia 5:5 ပူးပေါင်းရင်းမြစ်များ

Loma 5:21

Ko te mea ia, e vē ona pule te agahala e ala i te oti, e vēnā foki ona pule te alofa tūnoa o te Atua e ala i te fakaleleia o to tātou va ma ia, ma takitaki ai ki tātou ki te ola fakavavau e ala ia Iehu Keliho to tātou Aliki.

1 Kolinito 1:7

ma e hēki i ei lele he meaalofa fakateagaga e fokotahi ko hēki koutou maua, ka koi fakatalitali koutou ke fakailoa mai e te Atua to tātou Aliki ko Iehu Keliho.

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

2 Tehalonia 3:5

Ke takitaki e te Aliki outou loto ke ātili mālamalama ai koutou e uiga ki te alofa o te Atua ma e uiga ki te onohai o Keliho.

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho