Kalatia 5:3 - Tokelauan New Testament

³ E toe lapataki atu au ki ho he tamāloa e ia talia ko ia ke pelitome; kāfai e kē faia te mea tēnei, ko koe la e tatau ke uhitaki ki te Tūlāfono kātoa.

Kalatia 5:3 ပူးပေါင်းရင်းမြစ်များ

Mataio 23:16

“Kae hāloa la koutou nā takitaki tāuaho! E akoako e koutou vēia, ‘kāfai he tino e tautō i te igoa o te Mālumalu, e hē fuhifuhia i tana tautōga; kae kāfai e tautō i te igoa o nā aulo i loto o te Mālumalu, e fuhifuhia.’

Mataio 23:18

E akoako foki e koutou vēia, ‘Kāfai he tino e tautō i te igoa o te fata faitāulaga, e hē fuhifuhia i tana tautōga; kae kāfai e tautō i te igoa o te meaalofa i luga o te fata faitāulaga, e fuhifuhia.’

Luka 16:28

auā e toka lima oku uho — ke fakailoa ki ei kae ke nahe ōmamai ai ki te nofoaga tēnei o puapuagā.’

Gāluega 15:1

E i ei ni taulelea na ōifo mai Iutea ki Anitioka ma kāmata akoako vē atu ki nā tino kua talitonu, “E hē mafai koutou ke fakaola e te Atua, heiloga ko koutou kua pelitome e vē oi lea mai te Tūlāfono a Mohe.”

Gāluega 2:40

E hē ko iēnei oioti nā mea na lea ai ia Petelu ki a te ki lātou, na fautua mālohi lele ki a te ki lātou i te lahi o iētahi kupu, kua lea vē atu, “Koutou la ke hao mai te fakahalaga ka pa ki ei tēnei tupulaga kino!”

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Loma 2:25

Ko te pelitome e aogā oioti kāfai koe e uhitaki ki te Tūlāfono; kae kāfai e holi e koe te Tūlāfono, ka vē lava koe ko he tino e hēki pelitomeagia.

Kalatia 3:10

Ko nā tino e fakalagolago ki te uhitaki ki te Tūlāfono e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.”

Kalatia 5:2

Fakalogo lelei mai! Ko au ko Paulo, ma e lea atu au ki a te koutou, kāfai e talia e koutou ko koutou ke pelitome, ko tona uiga e hēai lele la he aogā o Keliho ki a te koutou.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Efeho 4:17

I te igoa la o te Aliki e lapataki atu ai au ki a te koutou: koutou nahe toe ola e vē ko tagata fakapaupau ma o lātou manatu e hēai he aogā

1 Tehalonia 4:6

E tuha ai la ma te matākupu tēnei, nahe i ei lele he tino e faikino pe fakavalea e ia tona uho Kelihiano. Kua uma to mātou lea atu i te mea tēnei, ma ko ki mātou e matuā lapataki atu, ko te Aliki ka ia fakahalagia nā tino e faia nā uiga iēnei.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.