Kalatia 5:22 - Tokelauan New Testament

²² Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 5:22 ပူးပေါင်းရင်းမြစ်များ

Mataio 12:33

“Ke mafai oi fua mai ni fua lelei, e tatau te lākau ke ola lelei; kāfai te lākau e ola kino, ka vēnā foki oi fua mai ai nā fua e kino. E iloa te lākau i nā fua e fua mai ai.

Luka 13:9

Kāfai e fua mai ni ona fua i te tauhaga ka ala, kai te gali; kae kāfai e hēai, oi kua ta ai loa ki lalo.’ ”

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Ioane 15:5

“Ko au ko te vine, ka ko koutou ko nā lālā. Ko nā tino e tūmau to lātou tahi ia te au, ma au ia te ki lātou, ka fua mai ai ni fua e lahi; auā e hēai he mea e koutou mafaia e aunoa ma au.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 15:14

Oku uho, e mautinoa e au ko koutou e tumu i te lelei, kua ia te koutou te mālamalama, ma kua koutou mafaia oi akoako tētahi ki tētahi.

Loma 15:3

Auā e hēki faia e Keliho ni mea ke fiafia ai lava ia. Kae e vē oi lea mai te tuhituhiga paia, “Ko a lātou kupu tau fakakino na lafo atu ki a te koutou, kua pakukū uma mai ki oku luga.”

Loma 15:30

Ko au la e fakatagi atu ki a te koutou, oku uho, e ala i te Aliki ko Iehu Keliho ma te alofa e hau mai te Agaga: ke kau fakatahi ki tātou ma tatalo fakatauanau ki te Atua, mo au.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

Loma 7:4

Ko koutou foki la e tatau ke vēnei, oku uho. E tuha ai ma te Tūlāfono, ko koutou kua oti, auā ko koutou ko he itūtino o te tino o Keliho; ma i te taimi nei, ko koutou e a Iehu, tē na toe fakatū mai i te oti, kae ke fua mai ai ni fua ia te ki tātou mo te Atua.

Loma 8:5

Ko nā tino e ola ma mulimuli ki te mea e fakatonu ake e o lātou natula fakatetagata, kua pūlea o lātou māfaufau e nā mea e nanau ki ei te natula fakatetagata. Ka ko nā tino e ola ma mulimuli ki te mea e fakatonu ake e te Agaga, kua pūlea o lātou māfaufau e nā mea e naunau ki ei te Agaga.

1 Kolinito 13:13

Ko nā mea la iēnei e tolu, ko te fakatuatua, ko te fakamoemoe ma te alofa; kae ko te mea e hili i nā mea iēnei, ko te alofa.

Kalatia 5:13

Kae e vē la ki a te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Efeho 4:23

E tatau outou loto ma outou māfaufau ke toe fakafougia kātoatoa,

Efeho 5:9

auā ko te mālamalama te kaumaia te helehelega o nā itūkāigā lelei uma lele, te āmiotonu ma te meamoni.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

2 Tehalonia 3:2

Tatalo foki ki te Atua ke fakahao ki mātou mai faiga a tagata kino, auā e i ei nā tino ko hēki talitonu ki te fekau.

1 Timoteo 3:11

Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.