Kalatia 5:21 - Tokelauan New Testament

²¹ ko te mata pipiko, ko te konā ma te fai pātī ma iētahi mea vēnei. Ko au e lapataki atu i te taimi nei e vē foki ona lapataki atu au muamua: ko nā tino e ki lātou faia nā mea iēnei ka hē faia mo ki lātou te Mālō o te Atua.

Kalatia 5:21 ပူးပေါင်းရင်းမြစ်များ

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

1 Kolinito 5:11

Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

Efeho 5:18

Koutou nahe konanā i te uaina, auā nā ko te fakakino ai o koutou; kae ko koutou e tatau ke fakatumu i te Agaga.

Kolohe 3:6

Ona ko nā mea iēnei, ka pakū ai te tōkahā o te Atua ki a te ki lātou e hē uhitaki ki a te ia.

1 Tehalonia 5:7

Auā ko te pō te momoe ai ia tagata; ko te pō te fai konanā ai ki lātou.

2 Tehalonia 2:5

E hē koutou manatua? Na lea atu au ki a te koutou ki te mea iēnei, ka koi i ei au fakatahi ma koutou?

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

1 Petelu 4:3

Kua lava nā taimi nae mulimuli ai koutou i nā taimi kua teka, ki nā mea e fiafia ki ei nā tino fakapaupau. Nae fai e koutou nā āmio mātagā, nā manakoga fakatetagata, te konā, āmio hē pūlea, fai pātī ma nā uiga holi tūlāfono ko te ifo ki tupua.

Fakaaliga 21:27

Kae ka hēai lele he mea e hē mamā e fakaulu ki loto o te kakai, pe he tino e fai āmio mātagā pe talapepelo. Nā ko nā tino lava e tūhia o lātou igoa i te tuhi o te ola a te Punuamāmoe, te ka mafai oi ulufale ki loto o te kakai.

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.