Kalatia 5:15 - Tokelauan New Testament

¹⁵ Kae kāfai koutou e tūmau pea te takati ma te fakaogohia o tētahi ki tētahi e vē ko uiga o nā manu fekai, koutou la ke mataala auā e i na ka fakaumatia kātoa tētahi e tētahi.

Kalatia 5:15 ပူးပေါင်းရင်းမြစ်များ

Maleko 3:25

Kāfai he kāiga e fevaevaeaki ma tauai miha lava ki lātou, ko te kāiga tēnā ka mālepelepe.

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Kalatia 5:20

ko te ifo ki tupua ma te fai mea fakataulaitu. Ko te fevaevaeaki ma tauaimiha; ko te loto kino, ko te ita ma te manatu fakapito. Ko te fetekeaki ma fai itū kau;

Kalatia 5:26

Kae nahe ki tātou fia hili, pe fakatīgā tētahi ki tētahi, pe mata pipiko tētahi ki tētahi.

Filipi 3:2

Koutou ke fakaeteete i nā tino e vē ni kulī! Nā tino e ki lātou faia nā mea kino ma e fofou ke fakamātipitipi te tino.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

Iakopo 3:14

Kae kāfai nā loto o koutou e tumu i te fuā, te ita ma te fakapito, koutou nahe gugutu ma talapepelo ke mumuni ai te meamoni.