Kalatia 5:13 - Tokelauan New Testament

¹³ Kae e vē la ki a te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Kalatia 5:13 ပူးပေါင်းရင်းမြစ်များ

Luka 4:18

“Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

1 Kolinito 8:9

Kae tau lava koutou ke fakaeteete, ke nahe kaveagia te haolotoga o koutou i nā mea iēnei, ma ala e pakukū ai ki te agahala ki lātou e vāivai i te fakatuatua.

1 Kolinito 9:19

Auā e ui lava ko au he tino e haoloto, e hē he pologa e a he tino; kae kua kō faia au ma pologa ki tagata uma, kae ke kō maua ai ni tino e tokalahi.

2 Kolinito 12:15

E fiafia lahi lele au oi fakafano uma aku mea vēnā ma toku tagata kātoa, ke fehoahoani atu ki a te koutou. Kāfai nei e ātili lahi toku alofa ki a te koutou, ka ātili fakaitiitia ai nei te koutou alolofa mai ki a te au?

2 Kolinito 2:8

Ko au la e talohaga atu ki a te koutou; fakailoa ko ki ei ko koutou e alolofa moni ake ki a te ia.

2 Kolinito 3:17

Ko te Aliki ko te Agaga, ma ko fea lava e i ei ai te Agaga, e i ei ai foki te haolotoga.

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Kalatia 4:22

E lea mai ko Apelaamo e toka lua ona ataliki, ko tētahi i he fafine pologa, ma tētahi i he fafine e hē ko he pologa.

Kalatia 5:1

Kua ia te ki tātou te haolotoga — Ko ki tātou kua fakahaoloto e Keliho! Fakamākeke la ma tūmau i te haolotoga, ma ke nahe toe kavea lele koutou ma pologa.

Kalatia 5:14

Auā ko te Tūlāfono kātoa e aofia i loto o te fakatonuga e fokotahi: “Alofa ki tō tuākoi e vē oi alofa koe ki a te koe lava.”

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 6:2

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Efeho 5:21

Ke tuku atu kātoatoa tētahi ki te pule a tētahi ona ko te koutou fakaaloalo lahi ki a Keliho.

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

1 Petelu 2:16

Ko koutou ni tino e ola haoloto, kae nahe fakaaogā te haolotoga kua ia te koutou ke mumuni ai ho he mea kino; kae ola ko koutou ni pologa e a te Atua.

2 Petelu 2:19

E folafola e ki lātou te haolotoga, kae ko ki lātou foki ni pologa a nā uiga kino e fakaumatia ai lava ki lātou — auā ko te tagata ko he pologa a ho he mea kua fakatōkilalogia ia.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.