Kalatia 5:12 - Tokelauan New Testament

¹² Kai au te fofou ko nā tino e fakahehēa koutou, ke hē gata e pelitomeagia, kae ke tatipi foki ma ni iētahi mea!

Kalatia 5:12 ပူးပေါင်းရင်းမြစ်များ

Ioane 9:34

Kua tali atu ki lātou, “Ko koe na fānau ma tuputupu ake i te agahala — kae e hau koe oi akoako mai ki mātou?” Oi tuli kehe ai e ki lātou te tamāloa mai te hūnako.

Gāluega 15:24

Kua fakalogo ki mātou e i ei ni tino na oatu ia te ki mātou, kua fai ma fakalavelave ki a te koutou ma ko koutou kua hē fiafia lahi ona ko a lātou kupu e tautatala ai. E hēki ki mātou fakatonua lele nā tino iēnā.

Gāluega 5:5

Na lagona atu lava e Anania te fakakupuga tēnei, oi pakū loa lava ki lalo kua mate; ko nā tino uma na fakalogo ki te mea tēnei na mātataku lahi lele.

Gāluega 5:9

Oi lea atu ai ia Petelu ki te fafine, “He ā te na mālilie ai koulua ma tau āvaga ke koulua tofotofoa te Agaga o te Aliki? Kikila, ko nā taulelea na ki lātou tanua tau āvaga, iēnā kua i te faitotoka i te taimi nei, ma ka ki lātou hikia foki koe ki fafo!”

1 Kolinito 5:13

E fakamahino e te Atua nā tino i fafo e vē oi lea mai te tuhituhiga paia, “Tuli kehe te tino kino mai te koutou maopoopoga.”

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Kalatia 5:10

Kae e tūmau pea lava toku talitonu ki a te koutou. Ko to tātou ōlaga i te hokotaga ma te Aliki, e mautinoa ai e au ka hē koutou taliagia ni manatu e kehe mai i oku manatu, ma ko ai lava e taumafai ke fakahehē ki a te koutou, ka fakahalagia ia e te Atua.

Tito 3:10

Lapataki fakafokotahi pe fakalua ki nā tino e fakatupua nā fekehekeheakiga, kā hēai lava oi tīaki vē loa nahe kē toe amanakiagia.