Kalatia 5:10 - Tokelauan New Testament

¹⁰ Kae e tūmau pea lava toku talitonu ki a te koutou. Ko to tātou ōlaga i te hokotaga ma te Aliki, e mautinoa ai e au ka hē koutou taliagia ni manatu e kehe mai i oku manatu, ma ko ai lava e taumafai ke fakahehē ki a te koutou, ka fakahalagia ia e te Atua.

Kalatia 5:10 ပူးပေါင်းရင်းမြစ်များ

Gāluega 15:24

Kua fakalogo ki mātou e i ei ni tino na oatu ia te ki mātou, kua fai ma fakalavelave ki a te koutou ma ko koutou kua hē fiafia lahi ona ko a lātou kupu e tautatala ai. E hēki ki mātou fakatonua lele nā tino iēnā.

1 Kolinito 5:5

ke tukulima atu e koutou te tamāloa ki a Hātani ke ia fakaumatiagia ia i te fakatetino, kae ke hao ai tona agaga i te Aho o te Aliki.

2 Kolinito 1:15

Na mautinoa lelei lava e au te mea tēnei, ma ko te mea ia na fuafua ai e au ke fanatu muamua au ki a te koutou, kae ke fakaluaina ai te lahi o nā fakamanuiaga e maua e koutou, i toku āhiāhi atu fakalua.

2 Kolinito 10:2

Ko au e talohaga atu, ke nahe faia lele e koutou he mea ke fakaali ai toku loto hāuā kāfai au e fanatu; auā ko au kua hāuni ke fakakikila ki toku loto hāuā, nā tino e lea ko a mātou mea e fai e fakavae i nā lagona fakatelalolagi.

2 Kolinito 10:6

Ma kāfai kua fakamāonia te kātoatoa o te koutou uhitaki, ka hāuniuni ki mātou ke taku halagia ho he tino e hē fia uhitaki.

2 Kolinito 13:10

Ko au kua tuhi atu nei ka ko hēki fanatu au, kae ke pa atu ki te taimi e fanatu ai au, ka hē hona fakaaogā e au ki a te koutou, te pule kua tuku mai e te Aliki ki a te au — te pule ke fakamākekeke ai koutou, kae hē ke fakavāivai ai.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

2 Kolinito 2:6

Kua uma te fakatonu e te tokalahi o koutou te tino tēnei, ma kua lava tona fakahalaga tēnā.

2 Kolinito 5:16

Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.

2 Kolinito 7:16

Kai au te fiafia lahi, auā e kātoatoa toku fakamoemoe atu ki a te koutou!

2 Kolinito 8:22

Ko te mea ia ka uga atu ai e ki mātou hētahi o mātou uho a kaukauna ki a te koutou; kua lahi ana mea e fai kua ki mātou mautinoa ai tona loto naunau ke fehoahoani. Nei la, kua fakaatili lele tona naunau ke fehoahoani, ona e lahi tona talitonu ki a te koutou.

Kalatia 1:7

Ko te mea moni, e hēai hētahi Tala Lelei! Kae ko au kua lea vēnei atu ona e i ei nā tino e fakalavelave atu ki a te koutou ma taumafai ke liliu kehe koutou mai te Tala Lelei a Keliho.

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Kalatia 2:6

Ko iētahi o ki lātou nae lea ko ki lātou ni takitaki — ko au e lea vēnei atu auā e hē tāua ia te au pe ko ai ki lātou iēnei; ko te Atua e hē fakamahino i te kikila atu i fafo — ko ki lātou iēnei e lea atu au, e hēki fakaopoopoa lele he lātou mea fou e fokotahi ki te Tala Lelei e kō tālakia.

Kalatia 3:1

Kai koutou iēnā i Kalatia te vālelea! Ko koutou nei na fakalauatau e he tino? Ko tēnā na fakakikila outou mata ki te fakamatalaga manino e uiga ki te mate o Iehu Keliho i luga o te hātaulo?

Kalatia 4:11

Ko au te popole na meake ko aku gāluega uma e fai mo koutou, e fakahēaogāgia?

Kalatia 4:17

Ko iētahi tino iēnā e tuahā atu ki a te koutou, kae e hē ni manatu lelei to ki lātou. Oioti lava te mea e fofou ki lātou ki ei, ke vavae kehe koutou ma au, kae ke tuahā ake ai koutou ki a te ki lātou e vē oi tuahā ki lātou ki a te koutou.

Kalatia 4:20

Kai au te fia i kinā ma koutou i te taimi nei, kae ke mafai ai ke hui te fakakupu atuga o aku kupu ki a te koutou. Ko au te popole ki a te koutou!

Kalatia 5:12

Kai au te fofou ko nā tino e fakahehēa koutou, ke hē gata e pelitomeagia, kae ke tatipi foki ma ni iētahi mea!

Kalatia 5:7

Ko koutou nae fētutuli lelei lele! Ko ai te nae fakalavelave atu ki a te koutou ma kua hē mafai ai koutou ke talitonu ki te meamoni?

Kalatia 6:17

E i toku tino nā māila e fai ma fakamāoniga ko au ko he pologa e a Iehu. Nahe i ei la he tino e toe fakahoehā mai ki a te au.

Filipi 3:15

Ko ki tātou uma kua mātutua i te fakateagaga, e tatau ke tutuha o tātou manatu. Kae kāfai e i ei ni tino o koutou e kehe o lātou manatu, ka fakamālamalama atu e te Atua ki a te koutou.

2 Tehalonia 3:4

Ma ko ki mātou e fakalagolago ki te Aliki e uiga ki a te koutou, ma e mautinoa e ki mātou e fai e koutou ma ka haga fai pea lava e koutou, nā mea e lea atu ai ki mātou.

1 Timoteo 1:20

Ko iētahi o ki lātou iēnei e i ei ai ia Himenaio ma Alehana. Kua uma te kō tuku atua o te toka lua tēnei ke pule ai ia Hātani, kae ke fai ma akoakoga ki a te ki lāua ke nahe toe fāifāi ki te Atua.

Filemoni 1:21

Ona ko au e talitonu ko nā mea e lea atu ai au e fai e koe, ko te mea kua tuhi atu ai au — ko te meamoni, e iloa e au ka lahi lele atu nā mea e fai e koe i lo nā mea e lea atu ai au.