Kalatia 4:9 - Tokelauan New Testament

⁹ Kae nei la kua koutou iloa te Atua — pe i hētahi fakakupuga, kua iloa e te Atua koutou — e vēhea ona toe fia liliu koutou ki nā agaga vāivai ma hēai he aogā e pūleagia te lalolagi ma te vāteatea? He ā te toe fia kavea ai koutou ma a lātou pologa?

Kalatia 4:9 ပူးပေါင်းရင်းမြစ်များ

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Luka 5:38

Kae ko te uaina fou e tatau ke utu ki loto o ni fagu pakumanu uaina fou.

Ioane 10:14

Ko au ko te leoleomāmoe lelei. E vē ona iloa au e te Tamana ma iloa e au te Tamana,

Ioane 10:27

E lagona e aku māmoe toku leo, ma e iloa e au ki lātou, ma e mulimuli mai ki a te au.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

1 Kolinito 13:12

Ko te mea e kitea e ki tātou i te taimi nei e vē he ata nenefu ki loto o he fakaata; kae i he taimi mulimuli oi ki tātou kitea lelei ai i te fakafehagai ma ia. Ko te mea kua iloa e au i te taimi nei e hē kātoatoa; kae ka kātoatoa mulimuli — e kātoatoa e vē ko te kātoatoa o te iloa o te Atua e uiga ki a te au.

1 Kolinito 15:34

Toe tuku tonu lelei outou māfaufau, ma ke nahe toe faia e koutou te agahala. Auā e i ei nā tino o koutou e hē ki lātou iloa te Atua. Ko au e lea vēnei atu kae ke lagona ai e koutou te mā.

1 Kolinito 8:3

Kae ko te tino e alofa ki te Atua, e iloa ia e te Atua.

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

Kalatia 3:3

E moni nei lava kua hēai ni mea i outou māfaufau? Ko koutou na kāmata i te koutou ōlaga fou e ala i te Agaga o te Atua; ko koutou la e fofou ke fakakātoatoa te koutou ōlaga e ala i te koutou lava mālohi?

Kalatia 4:3

Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,

Efeho 1:17

ma ko au e fakatoga ki te Atua o to tātou Aliki ko Iehu Keliho, te Tamana e uiga kehe tona mamalu, ke fōki atu ki a te koutou te Agaga, tē ka maua ai e koutou te mālamalama, ma fakailoa atua ki a te koutou te Atua, kae ke koutou iloa ai ia.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Epelu 7:18

Ko te tūlāfono muamua la kua tuku kehe auā e vāivai ma hēai hona aogā.

2 Petelu 2:20

Kāfai nā tino iēnei kua hao mai nā uiga kino o te lalolagi ona kua ki lātou iloa to tātou Aliki Fakaola ko Iehu Keliho, kae toe popoki ma fakatōkilalogia e nā mea iēnei, e hili atu la te kino o te tūlaga e i ei ki lātou i te fakaikuga, nai lo te mea nae i ei ai i te kāmataga.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.