Kalatia 4:6 - Tokelauan New Testament

⁶ Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Kalatia 4:6 ပူးပေါင်းရင်းမြစ်များ

Maleko 14:36

Kua vē tana tatalo “Te Tamana, toku Tamana! E hēai he mea fokotahi e hē kē mafaia. Kave kehe ko te ipu tēnei o puapuagā ia te au. Kae nahe faia toku loto, kae fai tō finagalo.”

Luka 11:13

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

Luka 11:2

Oi vāgana atu ai ia Iehu ki a te ki lātou, “Kāfai koutou e tatalo, lea vēnei; ‘Te Tamana, ke tapu tō igoa. Ke pa mai tō Mālō.

Ioane 14:16

Ko au ka tatalo ki te Tamana, ma ka ia fōki atua ki a te koutou hētahi Fehoahoani, ke fakatahi pea ma koutou ke pa ki te fakavavau.

Ioane 15:26

“Ka hau te Fehoahoani — ko te Agaga, e ia fakaalia te meamoni e uiga ki te Atua, ma e hau mai te Tamana. Ka uga atu e au te Agaga ki a te koutou mai te Tamana, ma ka molimau ia e uiga ki a te au.

Ioane 16:7

Kae ko au e lea moni atu ki a te koutou; e hili atu mo koutou kāfai au e fano kehe, auā kāfai au e hē fano, ka hē hau foki te koutou Fehoahoani. Kae kāfai au e fano kehe, oi ka kō uga maia ai ia, ki a te koutou.

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Ioane 7:39

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.

Gāluega 16:7

I te taunuku atuga o ki lātou ki Muhiana, oi taumafai ai ke olo ki te itūmālō o Pitunia, kae e hēki fakatagagia ki lātou e te Agaga o Iehu, ke olo ki ei.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

2 Kolinito 1:22

ma tuku maia tana fakailoga ki o mā luga, ke iloa ai ko ki māua e a ia, ma na ia tuku maia te Agaga Paia ki o mā loto, ke fakamāonia ai nā mea uma lele kua ia hāunia mo ki māua.

2 Kolinito 3:17

Ko te Aliki ko te Agaga, ma ko fea lava e i ei ai te Agaga, e i ei ai foki te haolotoga.

Efeho 1:13

Ma ko koutou foki na kavea ma tagata o te Atua i te lagonaga e koutou te kupu moni — te Tala Lelei na maua ai e koutou te fakaolataga. Ko koutou kua talitonu ki a Keliho, ma kua tuku e te Atua ki outou luga tana fakailoga e iloa ai ko koutou e a ia, e ala i te Agaga Paia kua fōki atu e ia ki a te koutou, e vē oi folafola e ia.

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Filipi 1:19

auā e iloa e au ko autou tatalo fakatahi ai ma te fehoahoani mai o te Agaga o Iehu Keliho, ka tatala ai au mai oku noanoataga.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

Iuta 1:20

Kae ko koutou aku uō pele, ke haga ati ake pea i te fakavae o te koutou fakatuatua e hili te paia. Tatalo i te mana o te Agaga Paia,

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.