Kalatia 4:5 - Tokelauan New Testament

⁵ ke toe fakatau mai nā tino nae mulimuli ki te Tūlāfono, kae ke kavea ai ki tātou ma fānau a te Atua.

Kalatia 4:5 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Luka 1:68

“Ke vīkia te Aliki, te Atua o Ihalaelu! Kua hau ke fakaola ona tagata.

Ioane 1:12

Kae ko ki lātou uma na taliagia ia ma talitonu ki ei; na ia tuku atua ki ei te haolotoga, ke kavea ai ki lātou ma fānau a te Atua.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Loma 10:4

Auā ko Keliho te kua ia fakaumagia te Tūlāfono, kae ke mafai ai e ho he tino kua talitonu, ke fakalelei e te Atua tona va ma ia.

Loma 8:14

Ko nā tino e takitakia e te Agaga o te Atua, ni fānau ki lātou e a te Atua.

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

Loma 8:23

Kae e hē nā ko nā mea na gaohia e te Atua te ōi; ko ki tātou kua ola i te Agaga, te uluaki meaalofa a te Atua, e ōi foki i loto o ki tātou lava, ka koi fakatalitali ki te Atua ke kavea ki tātou ma ana fānau ma fakahaoloto ai o tātou tagata kātoa.

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Kalatia 4:21

Ke fehili atu au ki nā tino o koutou e fofou ko ki lātou ke i lalo o te pule a te Tūlāfono; e hē koutou lagona nei te mea e lea mai ai te Tūlāfono?

Kalatia 4:7

Ko te mea ia, ko koutou kua hē toe ni pologa. Ko koutou ni fānau e a te Atua, ma ka fōki atu e ia ki a te koutou nā mea uma a ia mo tana fānau.

Efeho 1:5

na tonu ai muamua i te Atua, ke fai ki tātou ma ana fānau e auala ia Iehu Keliho — ko te mea tēnei na fiafia ma fofou ia ke fai.

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 9:12

I te fanoga o Keliho ki loto o te falekie ma ulu atu ki loto o te Nofoaga e Hili te Paia mo te toe taimi lava, e hēki ia kavea te toto o nā oti ma nā povi ke ofo atu ma tāulaga; kae na ia ofo atua tona lava toto ma na maua ai e ki tātou te fakaolataga e fakavavau.

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

Fakaaliga 14:3

Ko nā tino e toka 144,000 e tutū i mua o te nofoāliki ma nā meaola e fa ma nā toeaina, ma pepehe i he pehe fou e nā ko ki lātou lava oioti te iloa. Mai tagata uma o te lalolagi kātoa, nā ko ki lātou lava oioti nā tino na fakahao e te Atua.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.