Kalatia 4:3 - Tokelauan New Testament

³ Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,

Kalatia 4:3 ပူးပေါင်းရင်းမြစ်များ

Mataio 11:28

“Ōmamai ki a te au koutou uma e fītatā i nā kavega mamafa, ko au e mapu ai koutou.

Ioane 8:31

Oi vāgana atu ai ia Iehu ki nā tino Iutaia kua talitonu ki a te ia, kua vē atu, “Kāfai koutou e uhitaki ki aku akoakoga, ko koutou ni hoko moni lava e ōku;

Gāluega 15:10

He ā la te kua tofotofo ai e koutou te Atua i te kua fakauta e koutou o he kavega ki luga o nā tino kua talitonu ki te Aliki, he kavega na hēki mafai e o tātou tupuna pe ko ki tātou oi taukave?

Loma 7:14

E iloa e ki tātou ko te Tūlāfono e mai te Atua; kae ko au kua nā ko he tagata, na fakatau ke fai ma pologa a te agahala.

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Kalatia 3:19

Ko he ā la te na fai ai he Tūlāfono? Ko te Tūlāfono na fakaopoopo ki te feagaiga, kae ke iloa ai ko ki tātou e agahala, ma ko te mataloa e aogā ai, na fuafua lava ki te taimi e haele mai ai te lāpuna o Apelaamo, tēia na fai ki ei te folafolaga. Ko te Tūlāfono na tukulima ifo e nā agelu ki he tino na kavea ma hokotaga ma tagata.

Kalatia 4:2

Ka koi tamaiti ai, e i ei nā tino e ki lātou tauhiagia ia ma kikilagia ana meatōtino, ke pa ki te taimi kua uma te fuafua e tona tamana.

Kalatia 4:24

Ko nā mea iēnei e i ei tētahi ona fakauigaga. Ko nā fafine e toka lua e fakatuhagia ki nā feagaiga e lua na fai e te Atua ma ona tagata. Ko Hākā, te fafine pologa, e fakatuhagia ia ki te feagaiga na faia i luga o te Mauga ko Hinai. Ho he tino e fānau mai ai, e kavea ma pologa.

Kalatia 4:25

Ko te igoa Hākā, e fakatuha ia ki te igoa o te Mauga ko Hinai i Alapi, ma e fakatuha i te taimi nei, ki te kakai ko Ieluhalema, e nofo pologa fakatahi ma ona tagata uma.

Kalatia 4:31

Ko te mea ia te kau uho, ko ki tātou e hē ni fānau a he fafine pologa, kae e a he fafine haoloto.

Kalatia 4:8

I nā aho kua teka, nae hē koutou iloa te Atua, ma nae fai koutou ma pologa a ni atua e hē ni atua moni.

Kalatia 4:9

Kae nei la kua koutou iloa te Atua — pe i hētahi fakakupuga, kua iloa e te Atua koutou — e vēhea ona toe fia liliu koutou ki nā agaga vāivai ma hēai he aogā e pūleagia te lalolagi ma te vāteatea? He ā te toe fia kavea ai koutou ma a lātou pologa?

Kolohe 2:20

Ko koutou na oti fakatahi ma Keliho, ma kua fakahaoloto mai koutou mai nā agaga e pule i te vāteatea. He ā la te koi ola ai lava koutou e vē ni tino e o te lalolagi tēnei? He ā te koi mulimuli ai lava koutou ki nā tūlāfono e vē ko te,

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

Epelu 5:12

I te taimi nei, ko koutou kua tatau ke fai ma faiakoga — kae koi manakomia pea lava e koutou he tino ke ia akoako atua nā lehona muamua o te fekau a te Atua. I lo te kakai ki nā meakai mamafa, ko koutou koi fakainu lava i te huāhuhu.

Epelu 7:16

Na kavea ia ma ohitāulaga, e hē ona ni tonu fakatetagata e uiga kinā tofi tuku fakaholo, kae ona ko te mana o tona ola e hēai he gataaga.