Kalatia 4:29 - Tokelauan New Testament

²⁹ I te taimi tēnā, ko te ataliki na fānau mai i te auala māhani, kua fakahāuā ki te ataliki na fānau mai ona ko te Agaga o te Atua; ma kua vēnā foki lava i te taimi nei.

Kalatia 4:29 ပူးပေါင်းရင်းမြစ်များ

Ioane 15:9

Ko au e alofa ki a te koutou e vē ona alofa mai te Tamana ki a te au; koutou la ke tūmau i toku alofa.

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

Kalatia 4:23

Ko tona ataliki i te fafine pologa, na fānau mai lava i te auala māhani, kae ko tona ataliki i te fafine e hē he pologa, na fānau mai e ala i he folafolaga na fai e te Atua.

Kalatia 5:11

Kae e vē la ko au, te kau uho, kāfai e tālaki pea e au ko te pelitome ko he mea e tatau ke fai, he ā la te koi fakahāuā mai ai pea ia tagata ki a te au? Kāfai au e lea ki nā tino ko te pelitome ko he mea e tatau ke fai, ko tona uiga ko te fekau e folafola e au e uiga ki te hātaulo, e hē tatau ke fai ma fakalavelave ki a te ki lātou.