Kalatia 4:28 - Tokelauan New Testament

²⁸ Ko te mea ia te kau uho, ko koutou ni fānau e a te Atua e ala i tana folafolaga, e vē foki lava ko Ihaako.

Kalatia 4:28 ပူးပေါင်းရင်းမြစ်များ

Gāluega 3:25

Ko nā folafolaga a te Atua na kui mai i nā pelofeta, e mo koutou, ma ko koutou e aofia i te feagaiga na ohi e te Atua ma outou tupuna. E vē ona vāgana te Atua ki a Apelaamo, ‘Ka kō fakamanuiagia ia tagata uma i te lalolagi, e ala atu i nā lāpuna o koe.’

Loma 9:7

E hē ko tagata uma foki na tupuga mai ia Apelaamo ni fānau e a te Atua. Na vāgana atu te Atua ki a Apelaamo, “Ka tupuga mai ia Ihaako nā lāpuna na folafola atu e au ki a te koe.”

Kalatia 3:29

Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

Kalatia 4:23

Ko tona ataliki i te fafine pologa, na fānau mai lava i te auala māhani, kae ko tona ataliki i te fafine e hē he pologa, na fānau mai e ala i he folafolaga na fai e te Atua.

Kalatia 6:18

Te kau uho, ke ia te koutou uma te alofa tūnoa o to tātou Aliki ko Iehu Keliho! Amene.