Kalatia 4:24 - Tokelauan New Testament

²⁴ Ko nā mea iēnei e i ei tētahi ona fakauigaga. Ko nā fafine e toka lua e fakatuhagia ki nā feagaiga e lua na fai e te Atua ma ona tagata. Ko Hākā, te fafine pologa, e fakatuhagia ia ki te feagaiga na faia i luga o te Mauga ko Hinai. Ho he tino e fānau mai ai, e kavea ma pologa.

Kalatia 4:24 ပူးပေါင်းရင်းမြစ်များ

Mataio 13:35

Na fai e ia te mea tēnei kae ke taunuku ai te kupu a te pelofeta, “Ka fakaaogā e au nā talafakatuha ke akoako ai ki lātou; ka fakailoa e au ki a te ki lātou nā mea nae hē iloa e he tino talu te foafoaga o te lalolagi.”

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

1 Kolinito 10:11

Ko nā mea uma iēnei na tutupu ki a te ki lātou ke fai ma fakatakitakiga ki iētahi tino, ma na tūhia ki lalo kae ke fai ma mea ke fakaeteete ai ki tātou. Auā kua pili mai i te taimi nei e ola ai ki tātou, te ikuga o mea uma.

1 Kolinito 10:4

ma inu uma i te vai fakateagaga e tahi mai te papa fakateagaga na olo fakatahi ma ki lātou; ma ko te papa tēnā ko Keliho.

Kalatia 4:25

Ko te igoa Hākā, e fakatuha ia ki te igoa o te Mauga ko Hinai i Alapi, ma e fakatuha i te taimi nei, ki te kakai ko Ieluhalema, e nofo pologa fakatahi ma ona tagata uma.

Kalatia 4:3

Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,

Kalatia 5:1

Kua ia te ki tātou te haolotoga — Ko ki tātou kua fakahaoloto e Keliho! Fakamākeke la ma tūmau i te haolotoga, ma ke nahe toe kavea lele koutou ma pologa.

Epelu 11:19

Nae mautinoa lava e Apelaamo e mafai e Atua oi toe fakatutū nā tino mai te oti — ma i hētahi itū, na toe fakafoki lava e te Atua ki a Apelaamo tona ataliki ko Ihaako.

Epelu 12:24

Ko koutou kua ōmamai ki a Iehu, tē na ia tapenagia te feagaiga fou, ma ki te toto fakamaligi e maua ai nā mea e hili atu te lelei i lo te toto o Apelu.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Epelu 7:22

Ko te kehekehega la tēnei, kua kavea ai foki ia Iehu ma fakamāoniga o te hili atu o te lelei o te feagaiga fou.