Kalatia 4:21 - Tokelauan New Testament

²¹ Ke fehili atu au ki nā tino o koutou e fofou ko ki lātou ke i lalo o te pule a te Tūlāfono; e hē koutou lagona nei te mea e lea mai ai te Tūlāfono?

Kalatia 4:21 ပူးပေါင်းရင်းမြစ်များ

Maleko 10:3

Na tali atu ia Iehu i he fehili, kua lea vē atu, “E vēhea te tūlāfono na tuku atu e Mohe ki a te koutou?”

Luka 16:29

“Kua tali atu ia Apelaamo, ‘Kua ia te ki lātou ia Mohe ma te kau pelofeta. E tatau nā uho o koe ke fakalogo ki nā mea kua tuhituhia e ki lātou.’

Ioane 10:34

Oi tali atu ai ia Iehu, “E tūhia i nā Tūlāfono a koutou ko te Atua na vāgana vē, ‘Ko koutou ni atua.’

Ioane 12:34

Kua tali mai te kaifenua, “E lea mai te mātou Tūlāfono, ko te Mehia ka ola pea lava ke pa ki te fakavavau. E vēhea la ona lea mai koe, ko te Ataliki o te Tagata e tatau ke hiki ake ki luga? Ko ai te Ataliki o te Tagata?”

Ioane 15:25

Ka ko te mea tēnei, na tatau lava ke tutupu kae ke taunuku ai te mea kua tūhia ia lātou Tūlāfono: ‘Kua inoino mai ki lātou ki a te au e aunoa ma he pogai.’

Loma 3:19

Nei, kua iloa e ki tātou ko ho he mea lava e lea mai ai te Tūlāfono, e fakaaga ki a te ki lātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua.

Loma 6:14

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

Kalatia 3:10

Ko nā tino e fakalagolago ki te uhitaki ki te Tūlāfono e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.”

Kalatia 4:9

Kae nei la kua koutou iloa te Atua — pe i hētahi fakakupuga, kua iloa e te Atua koutou — e vēhea ona toe fia liliu koutou ki nā agaga vāivai ma hēai he aogā e pūleagia te lalolagi ma te vāteatea? He ā te toe fia kavea ai koutou ma a lātou pologa?