Kalatia 4:2 - Tokelauan New Testament

² Ka koi tamaiti ai, e i ei nā tino e ki lātou tauhiagia ia ma kikilagia ana meatōtino, ke pa ki te taimi kua uma te fuafua e tona tamana.

Kalatia 4:2 ပူးပေါင်းရင်းမြစ်များ

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

1 Kolinito 4:15

Auā e ui lava e hē mafai taulia te tokalahi o nā takitaki o koutou i te ōlaga faka-Kelihiano, e fokotahi oioti lava te koutou tamana. Kua fai au ma outou tamana, i te māfutaga ma Keliho Iehu, ona na kō kaumaiagia te Tala Lelei ki a te koutou.

Kalatia 3:24

Ma ko te Tūlāfono la te nae ia pūlea ki tātou ke pa ki te taimi na haele mai ai ia Keliho, kae ke mafai ai ke fakalelei to tātou va ma te Atua, e ala i te fakatuatua.

Kalatia 4:1

Ko te uiga o te mea e lea atu ai au — ko te tamaiti e tuku e ia mauagia nā meatōtino a tona tamana, e hē kehe lele ia ma he pologa ka koi tamaiti ai, e ui lava ko nā mea uma lele e a ia.

Kalatia 4:3

Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,