Kalatia 4:19 - Tokelauan New Testament

¹⁹ Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

Kalatia 4:19 ပူးပေါင်းရင်းမြစ်များ

Luka 22:44

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Loma 13:14

Kae tātou hiki ake nā meatau a te Aliki ko Iehu Keliho, ma nahe ki tātou toe manatu ki nā uiga mātagā fakatetagata ma te fakamaliega o ona tuinanauga.

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

2 Kolinito 12:14

Ko te fakatolu tēnei o taimi kua hāuni ai au ke āhiāhi atu ki a te koutou — ma e hē kō faia lele he mea ke fakafītatā ai koutou. Ko koutou te hakili e au, kae hē ko nā tupe a koutou. Auā e hē tatau nā tamaiti ke tuku kehe e ki lātou he hēleni mo te lumanaki o nā mātua, kae e tuku kehe e nā mātua mo nā tamaiti.

Efeho 4:13

Oi ko ki tātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea ki tātou ma tagata kua kātoatoa te mātutua i to tātou talitonu ki te Atua, e vē foki lava ko Keliho.

Efeho 4:24

ma fakakitea outou tino fou e vē ni kofu fou, iēia e gaohia i te fakatuha o te Atua, ma fakaalia e ala i te ōlaga moni e tonu ma paia.

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Filipi 2:5

Ke vē outou manatu ko nā manatu nae ia Keliho Iehu:

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

Kolohe 2:1

Ko au e fofou ke koutou iloa, ko au e galue ma te fakamākeke mo koutou ma nā tino i Laotikeia, vēnā foki mo ki lātou uma ko hēki ki lātou iloa au.

Kolohe 3:10

ma kua i ei outou tino fou. Ko te tino ola fou tēnei e fakafougia pea lava e te Atua tē na faia ia mea uma, ke fōliga ki a te ia, kae ke mālamalama kātoatoa ai koutou e uiga ki a te ia.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

1 Tehalonia 2:7

e ui lava ko ki mātou ni apohitolo e a Keliho ma na tatau ke lea atu ki mātou ki nā mea e fofou ki mātou ki ei. Kae ko ki mātou nae faifai mālie atu lava ki a te koutou, e vē he mātua e kikilagia tana fānau.

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Filemoni 1:10

Ko au la e talohaga atu ki a te koe e uiga ki a Onehimahi, ko he ataliki ki a te au e ala ia Keliho; auā na kavea au e vē ko he tamana ki a te ia, ka koi i loto au o te falepuipui.

Filemoni 1:19

Tēnei ka tuhi e au ki lalo i toku lima: Ko au ko Paulo, ka toe totogi atu e au taku kaitālafu ki a te koe. (E hē tau kō fakamanatu atua foki ko koe e nofo kaitālafu mai ki a te au e ala i tō ōlaga fou ia Keliho.)

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 2:12

Ko au e tuhi atu ki a te koutou taku fānau, auā ko autou agahala kua fakamāgalo e ala ia Keliho.

1 Ioane 5:21

Taku fānau, koutou ke tau mamao ma nā atua pepelo!

3 Ioane 1:4

E hēai he mea e hili atu ona fiafia ai au i lo toku fakalogo atu ko taku fānau e ola i te meamoni.