Kalatia 4:17 - Tokelauan New Testament

¹⁷ Ko iētahi tino iēnā e tuahā atu ki a te koutou, kae e hē ni manatu lelei to ki lātou. Oioti lava te mea e fofou ki lātou ki ei, ke vavae kehe koutou ma au, kae ke tuahā ake ai koutou ki a te ki lātou e vē oi tuahā ki lātou ki a te koutou.

Kalatia 4:17 ပူးပေါင်းရင်းမြစ်များ

Mataio 23:15

“Kae hāloa la koutou faiakoga o te Tūlāfono ma te kau Falehaio! Ko koutou ni tagata fakagutugutulua. E faimalaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluaina ai te faigōfie oi fano te tino tēnā ki kēna, e vē foki lava ko koutou.

Loma 10:2

E molimau au ki to lātou naunau lahi ke fai te finagalo o te Atua; kae ko to lātou naunau e hē fakavaea i te mālamalama moni.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

1 Kolinito 11:2

Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

1 Kolinito 4:18

Ko iētahi o koutou kua fia popoto, ona nae hē manatu koutou ko au e āhiāhi atu ki a te koutou.

1 Kolinito 4:8

Kua maua nei e koutou nā mea uma e manakomia e koutou? Kua maukoloa nei koutou? Kua fai nei koutou ma tupu, e ui lava ko ki māua e hē ni tupu? I hētahi itū, maimau ake ko koutou moni kua kavea ma tupu, kae ke kavea ai foki ki māua ma tupu fakatahi ma koutou.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

Kalatia 4:16

Ko au nei la kua fai ma outou fili auā ko au e tautala atu ki a te koutou i te meamoni?

Kalatia 4:18

Ko he mea e lelei te tuahā ki he mea, pe kāfai ko te māfuaaga e lelei — ko te mea tēnei e hako i taimi uma, kae e hē vē e hako oioti i nā taimi e i kinā ai au.

Filipi 2:21

Ko iētahi tino uma lele, e kikila ifo lava te tino mo ia lava, kae kua hē kikila pe fehoahoani vēhea ia ki te gāluega a Iehu Keliho.

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!