Kalatia 4:15 - Tokelauan New Testament

¹⁵ Ko koutou nae fiafia lele. He ā te kua tupu ki te koutou fiafia nae i ei? E talitonu au kana he mea e koutou mafaia, na hali kehe e koutou outou mata ma fōki mai ki a te au.

Kalatia 4:15 ပူးပေါင်းရင်းမြစ်များ

Luka 8:13

Ko nā fatu haito na lūlū ki luga o te kelekele fatufatua, e fakatuha ki nā tino e ki lātou lagona te kupu ma talia ma te fiafia. Kae e hēai ni o lātou aka; e talitonu oioti i he taimi pukupuku, kae pa mai loa te taimi o nā tofotofoga, e vave lele oi uma to lātou talitonu.

Loma 10:2

E molimau au ki to lātou naunau lahi ke fai te finagalo o te Atua; kae ko to lātou naunau e hē fakavaea i te mālamalama moni.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Loma 5:2

Kua kaumai e ia ki tātou e ala i to tātou fakatuatua, ki te alofa tūnoa o te Atua, tēia e ola ai nei ki tātou. Ko ki tātou la e fāfifia ona ko te tātou fakamoemoe, ke i ei fakatahi ki tātou i te huhulu pupula mamalu o te Atua.

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

2 Kolinito 8:3

E lea atu au ma te fakamāoni, ko te lātou fōaki na fai lava ki te mea na gata ai to lātou mafai, pe hili atu foki. I to lātou lava loto mālilie

Kalatia 3:14

Na fai e Keliho te mea tēnei kae ke maua ai e tagata nukukehe nā fakamanuiaga na folafola e te Atua ki a Apelaamo e ala ia Iehu Keliho, ma ke maua ai e ki tātou te Agaga o te Atua, e ala i te fakatuatua.

Kalatia 4:14

E ui lava nae lahi nā fakafītāuli na feagai ma koutou ona ko toku faitauale, kae e hēki kavea tēnā ma mea ke inoino mai ai koutou ki a te au, pe teteke mai ai foki. Kae na koutou talia au e vē oi talia e koutou he agelu mai te lagi; na koutou talia au e vē oi talia e koutou ia Keliho Iehu.

Kalatia 4:16

Ko au nei la kua fai ma outou fili auā ko au e tautala atu ki a te koutou i te meamoni?

Kalatia 4:19

Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 6:4

E tatau ke kikila totoka ifo lava te tino ki ana lava gāluega na fai. Kāfai e lelei ana gāluega, oi e tatau ai lava la ke ia lagona te fāfia i tona loto. Kae nahe ia fakatuhatuhagia ki ni mea a hētahi tino kua fai.

Kolohe 4:13

E molimau au ki ana gāluega fītā mo koutou ma nā tino i Laotikeia ma Ielapoli.

1 Tehalonia 2:8

Ona ko to mātou alolofa ki a te koutou, na lava hāuni ai ki mātou ke kavatu te Tala Lelei mai te Atua ki a te koutou, e tuha lava pe feoti ai ki mātou. Ko koutou e tāua lahi lele ia te ki mātou.

1 Tehalonia 5:13

Koutou ke fakaaloalo lahi ma alolofa ki a te ki lātou, ona ko nā gāluega a ki lātou e fai. Ke maua fakatahi e koutou te fīlēmū.