Kalatia 4:14 - Tokelauan New Testament

¹⁴ E ui lava nae lahi nā fakafītāuli na feagai ma koutou ona ko toku faitauale, kae e hēki kavea tēnā ma mea ke inoino mai ai koutou ki a te au, pe teteke mai ai foki. Kae na koutou talia au e vē oi talia e koutou he agelu mai te lagi; na koutou talia au e vē oi talia e koutou ia Keliho Iehu.

Kalatia 4:14 ပူးပေါင်းရင်းမြစ်များ

Mataio 10:40

“Ko ai lava e ia talia koutou, kua ia talia foki au, ma ko ai lava e ia talia au kua ia talia foki tē na ia uga maia au.

Mataio 18:5

Ko ai lava he tino e ia talia he tamaiti vēnei i toku igoa, kua ia talia foki au.

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Luka 10:16

Kua vāgana atu ia Iehu ki ona hoko, “Ko ai lava e fakalogo atu ki a te koutou, e fakalogo mai foki ki a te au; ko ai lava e teteke ki a te koutou, e teteke mai foki ki a te au; ma ko ai lava e teteke mai ki a te au, e teteke foki ki tē na ia uga maia au.”

Ioane 13:20

E takutino atu e au ki a te koutou te meamoni: ko ai lava e talia e ia he tino e uga atu e au, kua ia talia foki au; ma ko ai lava e ia talia au, kua ia talia foki tē na ia uga maia au.”

1 Kolinito 1:28

Na filifili e ia te mea e fakatauva ma inoino ki ei te lalolagi ma manatu ai e hēai hona uiga, kae ke fakahēaogā ai nā mea e manatu te lalolagi e tāua.

1 Kolinito 4:10

Ona ko Keliho, e kavea ai ki mātou ma tagata vālelea; kae ko koutou e popoto i te māfutaga ma Keliho! Ko ki mātou e vāivai, kae ko koutou e mālolohi! Ko ki mātou e inohia, kae ko koutou e fakaaloalogia e tagata!

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Kalatia 4:13

E manatua e koutou pe aiheā na kō tālakia atu ai te Tala Lelei i te taimi muamua; ona ko au nae tauale.

Kalatia 4:15

Ko koutou nae fiafia lele. He ā te kua tupu ki te koutou fiafia nae i ei? E talitonu au kana he mea e koutou mafaia, na hali kehe e koutou outou mata ma fōki mai ki a te au.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

Epelu 13:2

Ke mautinoa e talia e koutou nā tino kehe ki loto o outou fale. E i ei nā tino na ki lātou faia te mea tēnei ma ki lātou talia ni agelu, kae hē ki lātou iloa.