Kalatia 4:11 - Tokelauan New Testament

¹¹ Ko au te popole na meake ko aku gāluega uma e fai mo koutou, e fakahēaogāgia?

Kalatia 4:11 ပူးပေါင်းရင်းမြစ်များ

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

Kalatia 2:2

Ko au na ala oi fano, ona na fakailoa mai lava e te Atua ki a te au, ko au e tatau ke fano. I ha mātou māfutaga nā ko ki mātou ma nā takitaki, na fakamālamalama ai e au ki a te ki lātou te Tala Lelei kua tālaki e au ki tagata nukukehe. E hē fofou au ko aku gāluega kua uma te fai ma nā gāluega i te lumanaki ke fakahēaogā.

Kalatia 4:10

E i ei nā aho, nā māhina, nā vāitaimi o te tauhaga ma nā tauhaga, e fakamanatu e koutou.

Kalatia 4:12

Te kau uho, ko au e aioi atu ki a te koutou, ko koutou ke vē ko au, auā ko au foki kua kavea e vē lava ko koutou. E hēai he koutou hehē ki a te au.

Kalatia 4:20

Kai au te fia i kinā ma koutou i te taimi nei, kae ke mafai ai ke hui te fakakupu atuga o aku kupu ki a te koutou. Ko au te popole ki a te koutou!

Filipi 2:16

i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai ai i kinā ko aku taumafaiga uma ma aku gāluega, e hēki māumau.

1 Tehalonia 3:5

Ko te ala ia na uga atu ai e au ia Timoteo. Kua hē kō nafatia lele toku fia iloa te tūlaga kua i ei te koutou fakatuatua, oi kua uga atu ai e au kae ke maua mai he fakamatalaga. Kua hē uma toku popole auā koutou i nā fakaohoohogia e te Tiāpolo, ma fakahēaogā uma lele ai a mātou gāluega.

2 Ioane 1:8

Koutou la ke mataala, kae ke nahe kave kehea ai te aogā o nā gāluega nae fai e ki mātou ma ka maua ai he koutou taui kātoatoa.