Kalatia 3:29 - Tokelauan New Testament

²⁹ Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

Kalatia 3:29 ပူးပေါင်းရင်းမြစ်များ

Mataio 3:9

Ma ia koutou lele nahe kāmata oi lea vē tētahi ki tētahi, ‘ko Apelaamo he tupuna e o ki mātou’; auā e lea atu au ki a te koutou, e mafai e te Atua oi fakaliu tino nā fatu iēnei ke fai ma lāpuna o Apelaamo.

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

1 Kolinito 15:23

Kae ko tagata tau tokatahi ka fakatutū i he fakahologa e tūlaga tatau: E muamua lava ia Keliho, ma i te taimi e toe haele mai ai, oi hohoko ai ki ei ia tagata o te Atua.

2 Kolinito 10:7

Ko koutou e kikila ki te tino mai o nā mea i te kikila atu ki ei i fafo. E i ei nei ni tino i kinā e ki lātou mautinoa ko ki lātou e ia Keliho? E tatau ke toe māfaufau lelei ki lātou e uiga ki a te ki lātou, auā ko ki mātou e a Keliho, e vē foki lava ko ki lātou.

Kalatia 3:16

Kikila, na fai e te Atua nā folafolaga ki a Apelaamo ma ki tona lāpuna. E hē leamai te tuhituhiga paia, “nā lāpuna o ia”, ko tona uiga ni tino e tokalahi, kae e leamai “tona lāpuna”, ko tona uiga he tino e fokotahi, ko tona igoa ko Keliho.

Kalatia 3:18

Auā kāfai te meaalofa a te Atua e fakalagolago ki te uhitaki o ki tātou ki te Tūlāfono, ko tona uiga la ka hē toe fakalagolago ki tātou ki te folafolaga a te Atua. Kae ko te folafolaga a te Atua te na ala ai ona fōki e ia te meaalofa tēnā ki a Apelaamo.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Kalatia 3:7

E tatau la ke koutou iloa, ko nā lāpuna moni lava o Apelaamo, ko ki lātou iēnā e fakatuatua ki te Atua.

Kalatia 4:1

Ko te uiga o te mea e lea atu ai au — ko te tamaiti e tuku e ia mauagia nā meatōtino a tona tamana, e hē kehe lele ia ma he pologa ka koi tamaiti ai, e ui lava ko nā mea uma lele e a ia.

Kalatia 4:7

Ko te mea ia, ko koutou kua hē toe ni pologa. Ko koutou ni fānau e a te Atua, ma ka fōki atu e ia ki a te koutou nā mea uma a ia mo tana fānau.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Kalatia 6:16

Kae vē la ki a te ki lātou uma e mulimuli ki te tūlāfono tēnei, ke ia te ki lātou te fīlēmū ma te alofa tūnoa, ma ke vēnā foki ona i ei i tagata uma o te Atua.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Tito 3:7

kae ke mafai ai ke fakalelei te va o ki tātou ma te Atua e ala i tona alofa tūnoa, ma maua ai e ki tātou te ola e fakavavau tēia e fakamoemoe ki tātou ki ei.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 11:18

Na vāgana te Atua ki a Apelaamo, “E ala ia Ihaako ka maua ai e koe nā lāpuna na folafola atu e au.”

Epelu 11:7

Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.

Epelu 6:17

Mo nā tino ka ki lātou mauagia nā mea kua uma te folafolagia, e fofou te Atua ke iloa e ki lātou ko tana folafolaga e hē hūia lele; ma ko te mea ia na fakaopoopo ai e ia tana tautōga ki tana folafolaga.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.