Kalatia 3:23 - Tokelauan New Testament

²³ Kae ka ko hēki iloa e ki tātou te fakatuatua, ko ki tātou nae haihaitia i lalo o te Tūlāfono e vē ni pagotā, ke pa ki te taimi na fakailoa mai ai te fakatuatua e te Atua.

Kalatia 3:23 ပူးပေါင်းရင်းမြစ်များ

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Loma 11:32

Auā kua fai e te Atua ia tagata uma ma pagotā a te hē uhitaki, kae ke fakaalia ai tona alofa fakahao mo ki lātou uma.

Loma 3:19

Nei, kua iloa e ki tātou ko ho he mea lava e lea mai ai te Tūlāfono, e fakaaga ki a te ki lātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua.

Kalatia 3:19

Ko he ā la te na fai ai he Tūlāfono? Ko te Tūlāfono na fakaopoopo ki te feagaiga, kae ke iloa ai ko ki tātou e agahala, ma ko te mataloa e aogā ai, na fuafua lava ki te taimi e haele mai ai te lāpuna o Apelaamo, tēia na fai ki ei te folafolaga. Ko te Tūlāfono na tukulima ifo e nā agelu ki he tino na kavea ma hokotaga ma tagata.

Kalatia 4:21

Ke fehili atu au ki nā tino o koutou e fofou ko ki lātou ke i lalo o te pule a te Tūlāfono; e hē koutou lagona nei te mea e lea mai ai te Tūlāfono?

Kalatia 5:18

Kāfai koutou e takitakia e te Agaga, ko koutou la e hē āfāina i te Tūlāfono.

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.