Kalatia 3:22 - Tokelauan New Testament

²² Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meaalofa la tēia kua folafola e ala i te fakatuatua ki a Iehu Keliho, e fōki ki a te ki lātou e talitonu.

Kalatia 3:22 ပူးပေါင်းရင်းမြစ်များ

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Ioane 12:46

Ko au kua hau ki te lalolagi e vē he mālamalama, kae ke nahe tūmau ai i te pōuli, ki lātou uma e talitonu mai ki a te au.

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Gāluega 16:31

Kua tali mai te toka lua, “Talitonu ki te Aliki ko Iehu, oi fakaola ai koe — ko koe ma tō kāiga.”

Loma 10:9

Kāfai e takutino e koutou i mua o tagata ko Iehu ko te Aliki ma talitonu koutou na fakatū e te Atua mai te oti, ko koutou ka fakaolagia.

Loma 11:32

Auā kua fai e te Atua ia tagata uma ma pagotā a te hē uhitaki, kae ke fakaalia ai tona alofa fakahao mo ki lātou uma.

Loma 3:22

E fakalelei e te Atua te va o tagata ma ia e ala i te fakatuatua ki a Iehu Keliho. Ko te mea tēnei e fai e te Atua ki nā tino uma e talitonu ki a Keliho, auā ko tagata uma lele e tutuha.

Loma 3:23

Ko ki tātou uma lele kua agahala, ma kua hē ki tātou mafaia ai oi fakailoa atu te mamalu o te Atua.

Loma 5:12

Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.

Kalatia 3:14

Na fai e Keliho te mea tēnei kae ke maua ai e tagata nukukehe nā fakamanuiaga na folafola e te Atua ki a Apelaamo e ala ia Iehu Keliho, ma ke maua ai e ki tātou te Agaga o te Atua, e ala i te fakatuatua.

Kalatia 3:17

Ko te uiga o taku lea atu, na ohi te feagaiga a te Atua ma Apelaamo, ma na fai tana folafolaga ka tauhi pea lava ia ki ei. Ko te Tūlāfono na fātoā tuku mai ka kua teka ai te fa helau ma te tolu hefulu tauhaga, ma e hē ia mafaia oi tatala te feagaiga ma fakahēaogā te folafolaga a te Atua.

Kalatia 3:23

Kae ka ko hēki iloa e ki tātou te fakatuatua, ko ki tātou nae haihaitia i lalo o te Tūlāfono e vē ni pagotā, ke pa ki te taimi na fakailoa mai ai te fakatuatua e te Atua.

Kalatia 3:29

Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

2 Timoteo 1:1

Mai ia Paulo, he apohitolo a Keliho Iehu na filifilia e te Atua, ke fakailoa ki tagata te ola moni kua uma te ia folafolagia, e ala i te māfutaga ma Keliho Iehu —

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.

2 Petelu 1:4

E ala i nā mea uma iēnei, kua ia fōki maia ai ki a te ki tātou nā meaalofa tāua lahi na ia folafola maia, kae ke fai tēnā ma auala ke hao ai koutou mai nā tuinanauga kino o te lalolagi e fakatāugā ai ia tagata, ma mafai ai koutou ke kavea ma tagata e faia te finagalo o te Atua.

2 Petelu 3:13

Kae ko ki tātou e fakatalitali ki nā mea kua uma te folafola mai e te Atua: he lagi fou ma he lalolagi fou, te mea ka fakatino ai te finagalo o te Atua.

1 Ioane 2:25

Ma ko tēnei te mea na folafola mai e Keliho lava ia mo ki tātou — ko te ola e hē gata.