Kalatia 3:2 - Tokelauan New Testament

² Ke fehili atu la au vēnei: Na maua e koutou te Agaga o te Atua e ala i te uhitaki ki te Tūlāfono, pe na ala i te kua fakalogo o koutou ki te Tala Lelei ma talitonu ki ei?

Kalatia 3:2 ပူးပေါင်းရင်းမြစ်များ

Gāluega 15:8

Ma ko te Atua, tē e ia iloa ia māfaufauga o tagata uma, kua ia fakailoagia ko nā tino nukukehe e mafai foki ke talitonu ki te Aliki, e ala i te tuku atu e ia ki a te ki lātou o te Agaga Paia.

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 8:15

Kua taunuku atu ki lāua, oi tatalo ai ke maua te Agaga Paia e nā tino kua talitonu.

Loma 1:17

Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

1 Kolinito 9:21

E vēnā foki la kāfai au e galue mo tagata nukukehe, ko au e ola e vē he nukukehe i fafo o te Tūlāfono Iutaia, kae ke maua ai e au ia tagata nukukehe. E hē vē la ko au e hē uhitaki ki te tūlāfono a te Atua; ko au e i lalo o te tūlāfono a Keliho.

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

Kalatia 3:14

Na fai e Keliho te mea tēnei kae ke maua ai e tagata nukukehe nā fakamanuiaga na folafola e te Atua ki a Apelaamo e ala ia Iehu Keliho, ma ke maua ai e ki tātou te Agaga o te Atua, e ala i te fakatuatua.

Kalatia 3:3

E moni nei lava kua hēai ni mea i outou māfaufau? Ko koutou na kāmata i te koutou ōlaga fou e ala i te Agaga o te Atua; ko koutou la e fofou ke fakakātoatoa te koutou ōlaga e ala i te koutou lava mālohi?

Kalatia 3:5

E fōki atu nei e te Atua tona Agaga ki a te koutou ma fai e ia nā vāvega ona ko koutou e uhitaki ki te mea e lea mai ai te Tūlāfono, pe ona kua fakalogo koutou ki te Tala Lelei ma talitonu ki ei?

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.

Epelu 4:2

Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.

Epelu 6:4

Auā e vēhea ona mafai ke toe kaumai nā tino kua hē fakatuatua ki te Atua, ke toe halamō? Nae mālamalama ki lātou ki te moni o te fekau mai te Atua; na maua e ki lātou te meaalofa mai te lagi, ma talia fakatahi e ki lātou ma iētahi tino, te Agaga Paia;

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.