Kalatia 3:17 - Tokelauan New Testament

¹⁷ Ko te uiga o taku lea atu, na ohi te feagaiga a te Atua ma Apelaamo, ma na fai tana folafolaga ka tauhi pea lava ia ki ei. Ko te Tūlāfono na fātoā tuku mai ka kua teka ai te fa helau ma te tolu hefulu tauhaga, ma e hē ia mafaia oi tatala te feagaiga ma fakahēaogā te folafolaga a te Atua.

Kalatia 3:17 ပူးပေါင်းရင်းမြစ်များ

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

Gāluega 7:6

Ko tēnei te vāgana a te Atua ki a Apelaamo, ‘Ko au fānau ka nonofo i he nuku kehe, ka fai ki lātou ma pologa ma fakahāuāgia i kinā mo ni tauhaga e fahelau.

Loma 3:25

Na ofo atu ia e te Atua kae ke kavea ai tona toto ma auala e fakamāgalo ai ia agahala a tagata, e ala i to lātou fakatuatua ki a te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua lava ia, ko ia e āmiotonu ma e ia fakaleleia te va o tagata uma ma ia.

Loma 3:3

Kae e vēhea kāfai e i ei ni tino o ki lātou e hē fakamāoni? Ko tona uiga ko te Atua foki la ka hē fakamāoni?

1 Kolinito 1:12

Ko te uiga o taku lea atu: Ko koutou tau tokatahi, e kehekehe nā mea e tautatala ai koutou. E lea tētahi, “Ko au e mulimuli ki a Paulo”; ko tētahi, “Ko au e mulimuli ki a Apolo”; ko tētahi, “Ko au e mulimuli ki a Kepa”; ma tētahi, “Ko au e mulimuli ki a Keliho.”

1 Kolinito 1:17

E hēki uga maia au e Keliho ke papatiho. Na uga mai au e ia ke folafola te Tala Lelei, ma ke folafola e aunoa ma te fakaaogāgia o te gagana a te poto fakatetagata, kae ke mautinoa ai ko te mate o Keliho i luga o te hātaulo, e hē mafai ke uma tona mālohi.

1 Kolinito 10:19

Ko te uiga nei la o taku lea atu, ko he tupua pe ko nā meakai e ofo atu ki ei, e i ei he uiga?

1 Kolinito 7:29

Ko te uiga o taku tala, oku uho, ko tēnei: kua hē lava he taimi e totoe; ma e kāmata atu nei ko nā tino kua uma te fakaipoipo e tatau ke ola e vē lava ni tino e hēki fakaipoipo;

2 Kolinito 1:20

auā ko ia ko te “Io” ki folafolaga uma a te Atua. Ko te mea ia e kui atu ai ia Iehu Keliho te tātou “Amene” mo te vīkiga o te Atua.

2 Kolinito 9:6

Ke manatua e koutou, ko te tino e taigole ana fatu e totō, ka vēnā foki oi taigole na fua e ia helehelea; ka ko te tino e lahi ana fatu e totō, ka vēnā foki oi lahi na fua e ia helehelea.

Kalatia 3:15

Te kau uho, ke fakaaogā e au he fakatakitakiga faigōfie: kāfai ni tino e toka lua e taufai mālilie ki he mea ma hainia he lā māliliega, e hēai he tino e ia mafaia oi fakahēaogā pe toe fakaopoopo he mea ki ei.

Kalatia 3:21

Ko tona uiga la ko te Tūlāfono e teteke ki te folafolaga a te Atua? Hēai, e he vēnā! Auā kana he mea na maua e tagata he tūlāfono e maua ai te ola, anei ake e mafai e ho he tino ke fakalelei tona va ma te Atua i te uhitaki ki te tūlāfono.

Kalatia 5:16

Ko te mea e lea atu ai au ko tēnei: tuku ki te Agaga ke ia takitakiagia outou ōlaga, oi hē fakamaliea ai e koutou te natula fakatetagata.

Kalatia 5:4

Ko koutou iēnā kua taumafai ke fakalelei te koutou va ma te Atua e ala i te uhitaki ki te Tūlāfono, kua koutou momotu kehea lava koutou ma Keliho. Kua hē koutou maua te alofa tūnoa o te Atua.

Efeho 2:12

I te taimi tēnā, ko hēki koutou iloa ai ia Keliho, ma nae hē taua koutou i loto o te faigāmālō o tagata o Ihalaelu, ma hē aofia i loto o nā feagaiga na folafola e te Atua ki a te ki lātou. Ko koutou nae ola i te lalolagi tēnei e aunoa ma he fakamoemoe ma aunoa ma te Atua.

Efeho 4:17

I te igoa la o te Aliki e lapataki atu ai au ki a te koutou: koutou nahe toe ola e vē ko tagata fakapaupau ma o lātou manatu e hēai he aogā

Kolohe 2:4

Ko au e lea vēnei atu kae ke nahe fakahehēa koutou e he tino i ni fakamatalaga hē hako.

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 7:18

Ko te tūlāfono muamua la kua tuku kehe auā e vāivai ma hēai hona aogā.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.