Kalatia 3:16 - Tokelauan New Testament

¹⁶ Kikila, na fai e te Atua nā folafolaga ki a Apelaamo ma ki tona lāpuna. E hē leamai te tuhituhiga paia, “nā lāpuna o ia”, ko tona uiga ni tino e tokalahi, kae e leamai “tona lāpuna”, ko tona uiga he tino e fokotahi, ko tona igoa ko Keliho.

Kalatia 3:16 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Luka 1:55

Kua manatua e ia ke fakaali tona alofa fakahao ki a Apelaamo ma ana fānau uma lele ke pa ki te fakavavau!”

Gāluega 3:25

Ko nā folafolaga a te Atua na kui mai i nā pelofeta, e mo koutou, ma ko koutou e aofia i te feagaiga na ohi e te Atua ma outou tupuna. E vē ona vāgana te Atua ki a Apelaamo, ‘Ka kō fakamanuiagia ia tagata uma i te lalolagi, e ala atu i nā lāpuna o koe.’

Loma 12:5

E vēnā foki lava ki tātou, e ui e tokalahi ki tātou, kae e tahi te tino i te māfutaga ma Keliho. Ko ki tātou uma ni vāega takitahi e hohoko tētahi ki tētahi i te tino e tahi.

Loma 4:13

I te folafolaga e te Atua ki a Apelaamo ma ona lāpuna ko te lalolagi ka e o ia, e hēki ia faia te mea tēnei ona ko Apelaamo nae uhitaki ki te Tūlāfono, kae ona nae talitonu, ma na fakaleleia ai te va o ia ma te Atua.

Loma 4:16

Ma ko te folafolaga la na fakavae i te fakatuatua, kae ke fakamautū ai te folafolaga, ko he meaalofa fōki fua e a te Atua ki lāpuna uma o Apelaamo — e hē nā mo ki lātou e uhitaki ki te Tūlāfono, kae vēnā foki ki lātou e talitonu e vē ko Apelaamo. Auā ko Apelaamo, ko te tamana fakateagaga ia o ki tātou uma lele;

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

1 Kolinito 12:12

Ko te tino o Keliho e lahi ona vāega, e vē foki lava ko te tino o ho hētahi.

1 Kolinito 12:27

Ko koutou uma ko te tino o Keliho, ma ko koutou tau tokatahi ni itūtino e o ia.

2 Kolinito 11:22

Ni tino Epelu nei ki lātou? E vēnā foki au. Ni tino Ihalaelu nei ki lātou? E vēnā foki au. Ni lāpuna nei ki lātou e o Apelaamo? E vēnā foki au.

Kalatia 3:19

Ko he ā la te na fai ai he Tūlāfono? Ko te Tūlāfono na fakaopoopo ki te feagaiga, kae ke iloa ai ko ki tātou e agahala, ma ko te mataloa e aogā ai, na fuafua lava ki te taimi e haele mai ai te lāpuna o Apelaamo, tēia na fai ki ei te folafolaga. Ko te Tūlāfono na tukulima ifo e nā agelu ki he tino na kavea ma hokotaga ma tagata.

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Efeho 5:32

Ko te mealilo tēnei kua fakaalia e ala i te tuhituhiga paia, e matuā loloto lava te uiga. I toku mālamalama, e fakatatau ki a Keliho ma te Ekalehia.

Kolohe 2:19

ma kua hē pipiki ai ki a Keliho, te ulu o te Ekalehia. I lalo o te pule a Keliho, ko te tino o te Ekalehia kātoa e fafaga ma tāofi fakatahi e nā hokoga ma nā maho, ma e tupu e vē oi finagalo ki ei te Atua.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.