Kalatia 3:15 - Tokelauan New Testament

¹⁵ Te kau uho, ke fakaaogā e au he fakatakitakiga faigōfie: kāfai ni tino e toka lua e taufai mālilie ki he mea ma hainia he lā māliliega, e hēai he tino e ia mafaia oi fakahēaogā pe toe fakaopoopo he mea ki ei.

Kalatia 3:15 ပူးပေါင်းရင်းမြစ်များ

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

Loma 3:5

Kae e vēhea kāfai ko te fai e ki tātou o nā mea hehē e fakaalia ai te hako o nā mea e fai e te Atua? E mafai nei ke lea ki tātou ko te Atua e hehē kāfai ki tātou e fakahala e ia? (Ko he fehili tēnei e tatau lava ke fehili ai.)

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

1 Kolinito 15:32

Kāfai au na tau ma “manu fekai” i Efeho ona ni manatu fakatetagata, he ā nei ta aku kua maua ai? Kae kāfai nā tino oti e hē toe fakatutūa ki te ola, oi ka vē ai la ko te fakakupuga māhani, “Keina tātou kakai ma inu, auā taeao, ko ki tātou ka feoti.”

Kalatia 6:18

Te kau uho, ke ia te koutou uma te alofa tūnoa o to tātou Aliki ko Iehu Keliho! Amene.

Epelu 6:13

I te faiga o te folafolaga a te Atua ki a Apelaamo, na fai tana tautōga ko nā mea kua folafola e ia e taunuku lava. Ona e hēai hētahi tino e hili atu i lo ia, na fakaaogā ai lava e ia tona igoa, i te faiga o tana tautōga.

Epelu 6:16

Kāfai e fai e tagata ni tautōga, e fakaaogā e ki tātou te igoa o he tino e hili atu tona maualuga i lo ki tātou, ma ko te tautōga e fakamautū kātoatoa ai he takutinoga.

Epelu 9:17

auā ko te māvaega e hēai hona uiga pe kāfai ko te tino na ia faia koi ola lava; e fātoā aogā lava kāfai te tino tēnā kua oti.