Kalatia 2:20 - Tokelauan New Testament

²⁰ kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Kalatia 2:20 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Ioane 1:49

“Te Faiakoga,” kua tali atu ia Natanielu, “ko koe ko te Ataliki o te Atua! Ko koe ko te Tupu o Ihalaelu!”

Ioane 10:11

“Ko au ko te leoleomāmoe lelei. Ko te leoleomāmoe lelei e ofo atu e ia tona ola, mo ana māmoe.

Ioane 15:13

E hēai he alofa e hili atu i lo tēnei, ko te ofo atu e he tino o tona ola mo ana uō.

Ioane 17:21

Ko au e tatalo ke mafai ki lātou uma ke tahi. Te Tamana, ke tahi ko ki lātou ke vē he tino e tahi, ma ke tahi ki lātou ma ki mātou e vē oi tahi koe ma au ma tahi au ma koe. Ke tahi ki lātou kae ke talitonu ai te lalolagi ko au na uga mai e koe.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:35

Ko te Tamana e alofa ki tona Ataliki, ma kua ia tukuatua ki ei nā mea uma.

Ioane 6:57

Ko te Tamana te puna o te ola, tē na ia uga maia au, ma ko au e ola ona ko ia. E vēnā foki la ona ola ho he tino e kai ki toku kanofi, ona ko au.

Ioane 6:69

Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

Gāluega 8:36

Ka koi fakaauau te malaga i luga o te auala, oi tau atu ai ki he koga e i ei ni vai, oi lea vē atu ai te eunuka, “Kikila, iēnā nā vai! He ā te hē mafai ai au ke papatiho?”

Gāluega 9:20

Ma i loto o nā hūnako, na folafola atu e ia ki tagata, ko Iehu ko te Ataliki o te Atua.

Loma 1:17

Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

Loma 14:7

Ko ki tātou e hē ola mo ki tātou lava oioti, ma e hē oti foki ki tātou mo ki tātou lava oioti.

Loma 3:22

E fakalelei e te Atua te va o tagata ma ia e ala i te fakatuatua ki a Iehu Keliho. Ko te mea tēnei e fai e te Atua ki nā tino uma e talitonu ki a Keliho, auā ko tagata uma lele e tutuha.

Loma 4:25

Ona ko a tātou agahala, na tuku atu ai ia e te Atua ke oti, ma na toe fakatū mai ki te ola, kae ke fakalelei ai to tātou va ma ia.

Loma 5:2

Kua kaumai e ia ki tātou e ala i to tātou fakatuatua, ki te alofa tūnoa o te Atua, tēia e ola ai nei ki tātou. Ko ki tātou la e fāfifia ona ko te tātou fakamoemoe, ke i ei fakatahi ki tātou i te huhulu pupula mamalu o te Atua.

Loma 5:6

Auā ka koi vāivai ki tātou ma hē mafaia he mea, ko Keliho na oti mo ki tātou nā tino kino, i te taimi na filifili lava e te Atua.

Loma 5:8

Ka kua fakaalia e te Atua tona alofa ki a te ki tātou — ko te taimi ka koi i te agahala ai ki tātou, na oti ai ia Keliho mo ki tātou.

Loma 6:13

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

Loma 6:8

Ona ko ki tātou kua oti fakatahi ma Keliho, ko ki tātou foki la e talitonu, ko ki tātou ka ola fakatahi ma ia.

Loma 8:10

Kae kāfai ia Keliho e ola i loto ia te koutou, ko te Agaga tēnā o te ola mo koutou; auā kua uma te fakalelei o te va o koutou ma te Atua, e ui lava ko outou tino e fano e oti, ona ko te agahala.

Loma 8:37

Hēai. I nā mea uma iēnei, kua kātoatoa to tātou manumālō e ala i tē kua alofa ki a te ki tātou!

1 Kolinito 6:17

Kae ko ai lava e ia tuku fakatahia tona tino ma te Aliki, ka tahi ki lāua ma te Aliki i te fakateagaga.

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

2 Kolinito 10:3

E hako ko ki mātou ni tino e ola i te lalolagi, kae ko ki mātou e hē tau ona ni lagona fakatelalolagi.

2 Kolinito 11:10

E ala i te meamoni e uiga ki a Keliho i loto ia te au, e takutino atu ai e au, e hēai he tino i Akaia kātoa e ia mafaia oi tāofi toku fāfia.

2 Kolinito 13:3

Kua ia te koutou nā fakamāoniga uma ko Keliho e tautala kui atu ia te au. Ko Keliho e hē vāivai kāfai e fakatonu e ia koutou, kae e ia fakaalia tona mālohi i te fakatahi o ia ma koutou.

2 Kolinito 13:5

Kikila ifo koutou ki a te koutou lava ma hukehuke ifo pe koi tūmau te koutou fakatuatua. E moni nei lava e hē koutou iloa ko Keliho Iehu e i ei fakatahi ma koutou — vaganā ai la pe kāfai kua matuā pakū lava koutou i te hukega.

2 Kolinito 5:14

Ko ki mātou e pūlea e te alofa o Keliho, ona kua mautinoa e ki mātou, kāfai na oti he tokatahi mo tagata uma, ko ki tātou uma foki la na oti.

2 Kolinito 5:15

Ma ko Keliho na oti mo tagata uma, kae ke nahe toe ola ai nā tino e ola mo ki lātou lava, kae ola oioti mo tē na oti ma toe fakatū mai ki te ola, mo ki lātou.

2 Kolinito 5:7

Auā ko ki mātou e ola ona ko te fakatuatua, kae hē ona ko nā mea e kitea i nā mata.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

Kalatia 3:11

Nei, e manino e hēai he tino e mafai ke fakaleleia tona va ma te Atua e ala i tona uhitaki ki te Tūlāfono, auā e lea mai te tuhituhiga paia, “Ko te tino e fakaleleia tona va ma te Atua e ala i te fakatuatua, ko ia tēnā te ka mauagia te ola moni.”

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

Efeho 3:17

ma ko au e tatalo ko Keliho ke mau i nā loto o koutou e ala i te koutou fakatuatua. Ko au e tatalo ke mautū lelei te koutou fakavae i luga o te alofa,

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Efeho 5:25

Koutou tāne, alolofa ki autou āvaga e vē foki lava oi alofa ia Keliho ki te Ekalehia, ma na ia tuku atua ai tona ola mo te Ekalehia.

Filipi 1:21

Auā ko he ā nei te ola? Ia te au, ko te ola ko Keliho. Kāfai la ia au e oti, ka maua ai e au iētahi mea e lahi atu.

Filipi 4:13

Kua fōki mai e Keliho ki a te au te mālohi, ke talia ai e au ho he mea.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

1 Tehalonia 5:10

tē na mate mo ki tātou, kae ke nonofo fakatahi ai ki tātou ma ia, e tuha lava pe koi ola pe kua oti ki tātou, i te taimi e hau ai.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 8:3

Ko nā Ulu Ohitāulaga uma e tōfia ke ki lātou ofo atua ki te Atua nā meaalofa ma nā tāulaga e fai i nā manu. Ko to tātou Ulu Ohitāulaga foki la, e tatau ke i ei hana tāulaga ke ofo atu.

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 3:20

Kikila, ko au e tū i te faitotoka ma tukituki atu; kāfai he tino e ia lagona toku leo ma tatala mai e ia te faitotoka, ka fanatu au ki loto o tona fale ma kakai fakatahi ki māua.