Kalatia 1:9 - Tokelauan New Testament

⁹ Kua uma to mātou lea atu i te mea tēnei, kae ko au e toe lea atu i te taimi nei: kāfai e i ei he tino e ia tālaki atua ki a te koutou he “tala lelei” e kehe mai i te Tala Lelei kua uma te koutou taliagia, ke fakamālaia e te Atua te tino tēnā.

Kalatia 1:9 ပူးပေါင်းရင်းမြစ်များ

Gāluega 18:23

Na mataloa malie i kinā, oi fano ai kua kui loto i te kogāfenua o Kalatia ma Fulugia, ma fakamākeke atu ki te kau Kelihiano uma.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

2 Kolinito 1:17

E i ei nei he manatu ia te koutou ko au e hēki māfaufau fakalelei muamua oi fai ai taku tonu tēnei? Ko koutou e vēakē ko te faiga o aku tonu e vē ko te faiga o tonu a tagata o te lalolagi, e “Io, io” oi toe “Hēai, hēai” i te taimi e fokotahi?

Filipi 3:1

Ko aku toe kupu, te kau uho, koutou ke fiafia i te māfutaga a koutou fakatahi ma te Aliki. E hēai he mea e i ei kāfai au ka toe lea atu i nā mea na tuhi atu ai au muamua. E mo te koutou haogalēmū kāfai au e toe lea atu ai.

Filipi 4:4

Koutou ke fiafia pea lava i te māfutaga a koutou fakatahi ma te Aliki. Ko au e toe lea atu; koutou ke fiafia!