Kalatia 1:8 - Tokelauan New Testament

⁸ Kae e tuha pe ko ki mātou, pe he agelu mai te lagi e ia tālakia he “Tala Lelei” e kehe mai i te Tala Lelei na tālaki atu e ki mātou ki a te koutou, ke fakamālaia e te Atua te tino tēnā.

Kalatia 1:8 ပူးပေါင်းရင်းမြစ်များ

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Maleko 14:71

Oi lea atu ai ia Petelu, “E tautō atu au ko te mea e lea atu ai au e moni. Ke fakahalagia au e te Atua kāfai au e hē tautala i te meamoni! E hē kō iloa te tino tēnā e lea ai koutou.”

Gāluega 23:14

Oi olo ai ki nā ohitāulaga hili ma nā toeaina oi lea vē ki ei, “Kua fai te mātou tautōga fakatahi, e hēai he tino o ki mātou e kai heiloga kua tāmate e ki mātou ia Paulo.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

1 Kolinito 12:3

Ko te mea ia, ko au e fofou ke koutou iloa e hēai he tino e takitakia e te Agaga o te Atua e mafai ke “fetū e ia ia Iehu!” ma e hēai he tino e ia mafai oi folafola “Ko Iehu ko te Aliki,” pe kāfai e hē takitakiagia e te Agaga Paia.

1 Kolinito 16:22

Ko te tino e hē alofa ki te Aliki — ke fakamālaiagia ia! Marana tha — To mātou Aliki, haele mai!

Kalatia 1:9

Kua uma to mātou lea atu i te mea tēnei, kae ko au e toe lea atu i te taimi nei: kāfai e i ei he tino e ia tālaki atua ki a te koutou he “tala lelei” e kehe mai i te Tala Lelei kua uma te koutou taliagia, ke fakamālaia e te Atua te tino tēnā.

Kalatia 3:10

Ko nā tino e fakalagolago ki te uhitaki ki te Tūlāfono e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.”

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Tito 3:10

Lapataki fakafokotahi pe fakalua ki nā tino e fakatupua nā fekehekeheakiga, kā hēai lava oi tīaki vē loa nahe kē toe amanakiagia.

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.