Kalatia 1:21 - Tokelauan New Testament

²¹ Mulimuli ake, oi fano ai au ki ni kogāfenua i Hulia ma Kilikia.

Kalatia 1:21 ပူးပေါင်းရင်းမြစ်များ

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 15:23

oi uga ai ma te tuhi e vēnei: “E fakafeiloaki atu outou uho i kinei, te kau apohitolo ma toeaina vēnā ma te Ekalehia kātoa, ki a te koutou o mātou uho tagata nukukehe uma e nonofo i Anitioka, i Hulia ma Kilikia.

Gāluega 15:41

Oi fano ai kui atu i Hulia ma Kilikia, ma fakamālohi ki tagata i nā Ekalehia.

Gāluega 18:18

Na nonofo fakatahi ia Paulo ma te kau Kelihiano i Kolinito i ni aho e lahi, oi tukua ai e ia ki lātou, kae folau ma Pihila ma Akula ki Hulia. Ka ko hēki folau kehe ia Paulo mai Kegeleaiha, na tafi tula tona ulu ona he tautōga e a ia na fai.

Gāluega 21:3

Kua pa atu ki mātou ki he kogāmoana e kitea atu ai ia Kupulona, oi fakatū ai to mātou vaka ki haute mai kinā agai atu ki Hulia. Na olo ki mātou ki gāuta i Tulo, ma ko kinā na tuku e laku ake ai ki gāuta te uta a te vaka.

Gāluega 21:39

Kua tali atu ia Paulo, “Ko au he Iutaia, na fānau i Taheha i Kilikia, ma ko he tagatānuku o he kakai tāua lahi. Fakamolemole tuku mai he avanoa ke fai ai haku kupu ki nā tino.”

Gāluega 22:3

“Ko au he Iutaia, na fānau i Taheha i Kilikia, kae ko au na ola ake i kinei i Ieluhalema, ma na akoakogia lelei au e Kamalielu e tuha ai ma te Tūlāfono na tuku mai ki o tātou tupuna, ma ko au e tautua mālohi ki te Atua, e vē ko foki ko koutou uma kua i kinei i te aho nei.

Gāluega 23:34

Kua faitau te tuhi e te kōvana, oi fehili ai ki a Paulo pe ko te fea te itūmālō e hau ai ia. I te ia iloaga ko Paulo e hau mai Kilikia,

Gāluega 6:9

Kae nae teteke ki ei ni taulelea mai te hūnako o Tagata kua Fakahaolotogia (e vē oi fakaigoa ai), ma e aofia ai nā tino Iutaia mai Kulene ma Alehania. Ko ki lātou iēnei fakatahi ma iētahi tino Iutaia mai nā kogāfenua o Kilikia ma Ahia, kua kāmata oi fai fīnauga ma Hetefano.

Gāluega 9:30

I te iloaga o te mea tēnei e nā tino kua talitonu, oi kave ai e ki lātou ia Haulo ki Kaihaleia, ma uga ai ke fano ki Taheha.